Mahabubnagar | గెలుపోటములు సహజం.. ధైర్యంగా పోరాడాలి : ఆల వెంకటేశ్వర్ రెడ్డి

ఎన్నికల్లో గెలుపు, ఓటములు సహజమని..గెలుపు కోసం చివరి వరకు పోరాడటం గొప్ప విషయం అని మాజీ ఎమ్మెల్యే ఆల వెంకటేశ్వర్‌ రెడ్డి అన్నారు.

కొత్తకోట మున్సిపాలిటీ : ఎన్నికల్లో గెలుపు, ఓటములు సహజమని..గెలుపు కోసం చివరి వరకు పోరాడటం గొప్ప విషయం అని మాజీ ఎమ్మెల్యే ఆల వెంకటేశ్వర్‌ రెడ్డి అన్నారు. కొత్తకోట మున్సిపల్ కేంద్రంలో బీఆర్ఎస్ పార్టీ నుంచి పోటీ చేసి స్వల్ప ఓట్లతో ఓడిపోయిన అభ్యర్థును పరామర్శించి మనోధైర్యం ఇచ్చారు.

ఇందులో భాగంగా 6వ వార్డు అభ్యర్థి రవికుమార్,1 వార్డు నుంచి పోటీ చేసి ఓడిపోయిన మెఘారెడ్డి, 7వ వార్డు చీర్ల నాగన్న సాగర్, 9వ వార్డు నుంచి పోటీ చేసి ఓడిపోయిన..బీఆర్ఎస్ అభ్యర్థి పట్టణ మైనార్టీ అధ్యక్షుడు డాక్టర్ సాజిద్ అలీ సతీమణి నాజిమా బేగం కుటుంబ సభ్యులను పరామర్శించారు. ఓడిపోయినందుకు ధైర్యం కోల్పోకుండా..అదే స్ఫూర్తితో పని చేయాలని, రాబోయే కాలం మనదేనని భరోసానిచ్చారు.