8.5 టీఎంసీలకు చేరిన జూరాల

జూరాల ప్రాజెక్టుకు ఆదివారం 8,849 క్యూసెక్కులుగా నమోదైంది. ప్రాజెక్టు పూర్తిస్థాయి నీటిమట్టం 318.516 మీటర్లు కాగా ప్రస్తుతం 317.960 మీటర్లకు చేరుకున్నది. జలాశయం పూర్తిస్థాయి నీటిమట్టం 9.657 టీఎంసీలు కాగా ప్రస్తుతం 8.531 టీఎంసీలకు చేరినట్లు అధికారులు తెలిపారు.

• 8,849 క్యూసెక్కుల ఇన్‌ఫ్లో, 1,476 క్యూసెక్కుల అవుట్‌ ఫ్లో నమోదు

గద్వాల, జూన్‌ 16 : జూరాల ప్రాజెక్టుకు ఆదివారం 8,849 క్యూసెక్కులుగా నమోదైంది. ప్రాజెక్టు పూర్తిస్థాయి నీటిమట్టం 318.516 మీటర్లు కాగా ప్రస్తుతం 317.960 మీటర్లకు చేరుకున్నది. జలాశయం పూర్తిస్థాయి నీటిమట్టం 9.657 టీఎంసీలు కాగా ప్రస్తుతం 8.531 టీఎంసీలకు చేరినట్లు అధికారులు తెలిపారు. నెట్టెంపాడ్‌ లిఫ్ట్‌కు 375 క్యూసెక్కులు, భీమా లిఫ్ట్‌-1కు 650క్యూసెక్కులు, కోయిల్‌సాగర్‌ లిఫ్ట్‌కు 315 క్యూసెక్కుల నీటిని విడుదల చేస్తున్నారు. ఇన్‌ఫ్లో 8,849 క్యూసెక్కులు కాగా అవుట్‌ఫ్లో 1,476 క్యూసెక్కులుగా నమోదైనట్లు అధికారులు తెలిపారు.

ఆర్డీఎస్‌కు స్వల్ప వరద

అయిజ, జూన్‌ 16 : కర్ణాటకలోని ఆర్డీఎస్‌ ఆనకట్టకు స్వల్ప వరద కొనసాగుతున్నది. ఆదివారం 6,658 క్యూసెక్కుల ఇన్‌ఫ్లో ఉండగా, 6,658 క్యూసెక్కుల వరద సుంకేసుల బ్యారేజీకి చేరుతున్నదని ఏఈ రాందాస్‌ తెలిపారు. ప్రస్తుతం ఆనకట్టలో 8.8 అడుగుల నీటిమట్టం ఉన్నట్లు ఆయన పేర్కొన్నారు.

టీబీ డ్యాంకు..

టీబీ డ్యాంకు ఇన్‌ఫ్లో 1,520 క్యూసెక్కులు ఉండగా, అవుట్‌ ఫ్లో 301 క్యూసెక్కులుగా నమోదైంది. డ్యాంలో 1,633 అడుగుల పూర్తిస్థాయి నీటిమట్టానికి గానూ ప్రస్తుతం 1,583.03 అడుగులకు చేరినట్లు డ్యాం సెక్షన్‌ అధికారి రాఘవేంద్ర తెలిపారు.