తులాభారం

కాలే ఉదరమే కానీ కడుపునిండా తిండి లేదు కంటి నిండా నిద్ర లేదు ఒంటి నిండా బట్ట లేదు సంతోషమంటే తెలియదు

కాలే ఉదరమే కానీ
కడుపునిండా తిండి లేదు
కంటి నిండా నిద్ర లేదు
ఒంటి నిండా బట్ట లేదు
సంతోషమంటే తెలియదు

ఆవగింజంత సుఖము లేదు
అలుముకున్నది అంధకారం
ఛేదించటానికి లేదు బలం
జీవితమంతా నిర్వేదం

జీవిత నిఘంటువులో
దొరకదు జీవితానికి
సమానార్థం
నాలుగు అంకెల జీతం
సాగీ సాగని సంసారం

ఆటుపోటుల ప్రయాణం
భుజంపై నా భారం
కావడికుండల తులాభారం
రుక్మిణి వేస్తే తులసిదళం
అయ్యింది పూర్తి జీవితం

– జాధవ్‌ పుండలిక్‌ రావు పాటిల్‌ 9441333315