స్టవ్‌ పక్కనే వద్దు!

వంటగదిలో చాలామంది మసాలా డబ్బాలను స్టవ్‌ పక్కనే ఉంచుతారు. ఇది వాటి రుచి, సువాసన త్వరగా తగ్గిపోవడానికి ప్రధాన కారణమని ఆహార నిపుణులు చెబుతున్నారు. స్టవ్‌ నుంచి వచ్చే వేడి, ఆవిరి, తేమ కారణంగా మసాలాల్లోని సహజ సుగంధ తైలాలు (అరోమా) క్రమంగా తగ్గిపోతాయి.

వంటగదిలో చాలామంది మసాలా డబ్బాలను స్టవ్‌ పక్కనే ఉంచుతారు. ఇది వాటి రుచి, సువాసన త్వరగా తగ్గిపోవడానికి ప్రధాన కారణమని ఆహార నిపుణులు చెబుతున్నారు. స్టవ్‌ నుంచి వచ్చే వేడి, ఆవిరి, తేమ కారణంగా మసాలాల్లోని సహజ సుగంధ తైలాలు (అరోమా) క్రమంగా తగ్గిపోతాయి. దీంతో వంటలో ఆశించిన రుచి, వాసన రావు. మసాలాలను ఎప్పుడూ చల్లగా, పొడిగా ఉండే అల్మారాలో గాలి చొరబడని డబ్బాల్లో నిల్వ చేయాలి.

పొడి మసాలాల కంటే పొడి చేయని మసాలా దినుసులు ఎక్కువకాలం తాజాగా ఉంటాయి. అవసరమైనప్పుడు మాత్రమే వాటిని పొడి చేస్తే రుచి మరింత మెరుగ్గా ఉంటుంది. మసాలా పౌడర్లను పెద్ద మొత్తంలో కొనుగోలు చేయకుండా, కొద్దికొద్దిగా తీసుకుంటే మేలు. వంట రుచిని పెంచాలంటే ఖరీదైన పదార్థాలు కొనాల్సిన అవసరం లేదు. ఇంట్లో ఉన్న మసాలాలను సరైన విధంగా నిల్వ చేస్తే చాలు, ప్రతి వంటకంలోని సహజమైన రుచి, సువాసనను ఆస్వాదించవచ్చు.