Visit:
కారేపల్లి : కారేపల్లి పీఎం శ్రీ మోడల్‌ స్కూల్‌ విద్యార్ధులు ( Model School students ) ఎస్‌జీఎఫ్‌ 69వ రాష్ట్ర స్థాయి వెయిట్‌ లిప్టింగ్‌ ( Weightlifting ) పోటీలలో ప్రతిభ కనబరిచి పతకాలతో పాటు జాతీయ స్ధాయికి ఎంపికైనట్లు ప్రిన్సిపాల్‌ ఇలియాట్‌ ప్రేమ్‌కుమార్‌ తెలిపారు.
హైదరాబాద్‌ లో జరిగిన రాష్ట్ర స్థాయి స్కూల్‌ గేమ్స్‌ ఫెడరేషన్‌ వెయిట్‌ లిప్టింగ్‌ పోటీలలో బీ పల్లవి, వి ఉదయ్‌ కిరణ్‌ జాతీయ స్థాయి పోటీలకు ఎంపికయ్యారని వివరించారు. మహారాష్ట్రలో జరిగే జాతీయ పోటీలలో పాల్గొంటారని తెలిపారు.
రాష్ట్ర స్థాయి పోటీలలో బీ.పల్లవీ, వీ. ఉదయ్‌కిరణ్‌లు బంగారు పతకాలు సాధించగా, ఎస్‌.సాత్విక్‌, జీ.యశస్విని, ఎల్‌. అమూల్యప్రియ, కె. నిక్షిత, ఎం. భరత్‌ రజత పతకాలు, పీ.విఘ్నేష్‌ కాంస్య పతకం సాధించినట్లు ప్రిన్సిపాల్‌ తెలిపారు. ప్రతిభ చూపిన విద్యార్ధులను ప్రిన్సిపాల్‌ ఇలియాట్‌ ప్రేమ్‌కుమార్‌, పీడీ ముసా మోహినుద్దిన్‌ అభినందించారు.
