పనులు త్వరగా పూర్తిచేయాలి

జిల్లాలోని అమ్మ ఆదర్శ పాఠశాలల్లో మిగులు పనులను ఆగస్టు చివరి వరకు పూర్తి చేయాలని ఖమ్మం కలెక్టర్‌ ముజామ్మిల్‌ఖాన్‌ ఆధికారులను ఆదేశించారు. ఆయా పాఠశాలల్లో చేపట్టిన పనుల పురోగతిపై వివిధ శాఖల ఇంజినీరింగ్‌ అధికారులతో కలెక్టరేట్‌లోని తన చాంబర్‌లో బుధవారం నిర్వహించిన సమీక్షలో ఆయన మాట్లాడారు.

• ‘అమ్మ ఆదర్శ స్కూళ్ల’లో మిగిలిన వర్కులు ఆగస్టు చివరికి ముగించాలి
• పనుల పురోగతిపై అధికారుల సమీక్షలో ఖమ్మం కలెక్టర్‌ ముజామ్మిల్‌

మామిళ్లగూడెం, జూలై 24: జిల్లాలోని అమ్మ ఆదర్శ పాఠశాలల్లో మిగులు పనులను ఆగస్టు చివరి వరకు పూర్తి చేయాలని ఖమ్మం కలెక్టర్‌ ముజామ్మిల్‌ఖాన్‌ ఆధికారులను ఆదేశించారు. ఆయా పాఠశాలల్లో చేపట్టిన పనుల పురోగతిపై వివిధ శాఖల ఇంజినీరింగ్‌ అధికారులతో కలెక్టరేట్‌లోని తన చాంబర్‌లో బుధవారం నిర్వహించిన సమీక్షలో ఆయన మాట్లాడారు. అమ్మ ఆదర్శ పాఠశాలల అభివృద్ధి కార్యక్రమంలో భాగంగా జిల్లాలో 955 పాఠశాలల్లో పనులను ప్రారంభించామని, ఇప్పటి వరకు 508 పాఠశాలల్లో మాత్రమే పూర్తి చేయాగలిగామని అన్నారు. మరో 447 పాఠశాలల్లో పనులు ఇంకా కొనసాగుతున్నాయన్నారు.

వాటిని వెంటనే పూర్తి చేసేందుకు ఇంజినీరింగ్‌ అధికారులు చర్యలు తీసుకోవాలని సూచించారు. జిల్లాలో టీజీఈడబ్ల్యూఐడీసీ ఆధ్వర్యంలో నడుస్తున్న 73 పనులు పెండింగ్‌లో ఉన్నట్లు చెప్పారు. మిగిలిన పనులను ఆయా ఇంజినీరింగ్‌ విభాగాల అధికారులు సాధ్యమైనంత త్వరగా పూర్తి చేయాలని ఆదేశించారు. పనులు పూర్తి చేసిన వెంటనే ఎంబీ రికార్డు చేసి చెల్లింపులకు చర్యలు తీసుకోవాలని సూచించారు. ఇన్‌చార్జి అదనపు కలెక్టర్‌, డీఆర్‌డీవో సన్యాసయ్య, వివిధ శాఖల అధికారులు సోమశేఖరశర్మ, హేమలత, వెంకటరెడ్డి, వేణు, శ్రీరాంకోటి నాయక్‌, కృష్ణలాల్‌, రాజు పాల్గొన్నారు.