School inspection | మోడల్ పాఠశాలను తనిఖీ చేసిన ఐటీడీఏ పీవో…

పర్ణశాల : మండల పరిధిలోని పెద్దనల్లబల్లి గ్రామంలోని మోడల్ పాఠశాలను భద్రాచలం ఐటీడీఏ పీవో పోట్రు గౌతమ్ సోమవారం తనిఖీ చేశారు. తరగతులకు హాజరైన విద్యార్థులను, ఉపాధ్యాయు లను బోధనకు సంబంధించిన అంశాలను అడిగి తెలుసుకున్నారు. పంచాయతీ సిబ్బంది పాఠశాలను శానిటైజింగ్ చేశారా లేదా అని సంబంధిత ఉపాధ్యాయులను ఆరా తీసారు. పాఠశాల చుట్టుపక్కల ఉన్న పారిశుధ్య పనులను పరిశీలించి సంతృప్తి వ్యక్తం చేశారు. 2016 నుంచి ఈ పాఠశాలను ఇంగ్లీష్ మీడియం మోడల్ స్కూల్గా మార్చడం జరిగిందని, ప్రస్తుతం 104 మంది విద్యార్ధులు ఇక్కడ విద్యను అభ్యసిస్తున్నట్లు పీవోకు తెలిపారు.
పాఠశాలలో 1 నుంచి 5 తరగతులు చదివిన ఇంగ్లీష్ మీడియం పిల్లలకు మండలంలో 6 నుంచి 10వ తరగతి వరకు పాఠశాలలు ఎక్కడా ఆశ్రమ పాఠశాలలు లేవని, దీనివల్ల తెలుగుమీడియం ఆశ్రమపాఠశాలలో చేరుతున్నారని, ఇంగ్లీష్ మీడియం చదివిన విద్యార్ధుల భవిష్యత్ ప్రశ్నార్ధకంగా మారుతుందని పీవో దృష్టికి తెచ్చారు.
మండలంలో 6 నుంచి 10 తరగతులకు ఇంగ్లీష్ మీడియం ఆశ్రమ పాఠశాలను ఏర్పాటు చేస్తే వారి భవిష్యత్కు బంగారు బాటలు వేయొచ్చన్నారు. దీనికి స్పందించిన పీవో పాఠశాల సమస్యలకు సంబంధించి నివేదిక తయారుచేసి ప్రతిపాదనలు పంపాలని ఐటీడీఏ డీడీ రమాదేవికి సూచించారు. ఈ కార్యక్రమంలో ఏటీడీఏ నర్సింహారావు, అధ్యాపకులు ఎ.రామారావు, కె.వెంకటేశ్వర్లు, విద్యార్థులు పాల్గొన్నారు.
Read Today's Latest Khammam Khammam News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

