కోతుల‌ దాడిలో వృద్ధుడికి తీవ్ర గాయాలు

కోతుల దాడిలో ఓ వృద్ధుడు తీవ్రంగా గాయ‌ప‌డ్డ ఘ‌ట‌న భద్రాద్రి కొత్తగూడెం జిల్లా చండ్రుగొండ మండల కేంద్రంలో గురువారం చోటుచేసుకుంది. దడిగల సత్యం అనే వృద్ధుడు త‌న ఇంటి ఆవరణలో మామిడి చెట్టుకు కోతుల నుండి రక్షణ కోసం వ‌ల‌ను ఏర్పాటు చేయడం జరిగింది.

చండ్రుగొండ, మార్చి 26 : కోతుల దాడిలో ఓ వృద్ధుడు తీవ్రంగా గాయ‌ప‌డ్డ ఘ‌ట‌న భద్రాద్రి కొత్తగూడెం జిల్లా చండ్రుగొండ మండల కేంద్రంలో గురువారం చోటుచేసుకుంది. దడిగల సత్యం అనే వృద్ధుడు త‌న ఇంటి ఆవరణలో మామిడి చెట్టుకు కోతుల నుండి రక్షణ కోసం వ‌ల‌ను ఏర్పాటు చేయడం జరిగింది. గురువారం కోతులు అటుగా వెళుతూ మామిడి చెట్టుపై ఎక్కడానికి ప్రయత్నించగా పెద్ద కోతులు తప్పించుకోగా చిన్న కోతి పిల్ల వలలో చిక్కుకుంది. కోతి పిల్ల అరవడంతో వృద్ధుడు సత్యం కర్రతో దానిని అదిలించ‌డానికి వెళ్లగా ఒక్కసారిగా కోతుల‌ గుంపు మీద పడి ఒళ్లంతా కరిచాయి. చుట్టుపక్క వారు కర్రలతో కోతులను దూరంగా అల్లించి, వృద్ధుడిని చండ్రుగొండ ప్రభుత్వ ఆస్ప‌త్రికి తరలించి చికిత్సను అందించారు. గ్రామంలో కోతుల‌ సమస్య అధికంగా ఉన్నా పంచాయతీ అధికారులు, పాలకవర్గం పట్టించుకోవడం లేదని వృద్ధుడు, ప‌లువురు గ్రామ‌స్తులు ఆవేదన వ్య‌క్తం చేశారు. గ్రామంలో కోతుల నివారణకు తగిన చర్యలు తీసుకోవాలని గ్రామస్తులు డిమాండ్ చేస్తున్నారు.