ఎన్నికల కౌంటింగ్‌కు ఏర్పాట్లు పూర్తి
ఖమ్మం మండలంలోని పొన్నెకల్‌ శ్రీచైతన్య ఇంజినీరింగ్‌ కళాశాలలో ఏర్పాటు చేసిన ఖమ్మం లోక్‌సభ సాధారణ ఎన్నికల కౌంటింగ్‌కు ఏర్పాట్లు పూర్తయ్యాయి. ఆదివారం సాయంత్రం ఖమ్మం పార్లమెంట్‌ ఆర్వో, కలెక్టర్‌ వీపీ గౌతమ్‌..
- పరిశీలించిన ఖమ్మం కలెక్టర్‌, సీపీ, పరిశీలకులు
ఖమ్మం రూరల్‌, మే 2: ఖమ్మం మండలంలోని పొన్నెకల్‌ శ్రీచైతన్య ఇంజినీరింగ్‌ కళాశాలలో ఏర్పాటు చేసిన ఖమ్మం లోక్‌సభ సాధారణ ఎన్నికల కౌంటింగ్‌కు ఏర్పాట్లు పూర్తయ్యాయి. ఆదివారం సాయంత్రం ఖమ్మం పార్లమెంట్‌ ఆర్వో, కలెక్టర్‌ వీపీ గౌతమ్‌.. లోక్‌సభ ఎన్నికల సాధారణ పరిశీలకుడు డాక్టర్‌ సంజయ్‌ జీ కోల్టే, కౌంటింగ్‌ పరిశీలకుడు ప్రేదిమాన్‌ కృష్ణన్‌ భట్‌, పోలీస్‌ కమిషనర్‌ సునీల్‌దత్‌తో కలిసి కౌంటింగ్‌ కేంద్రాన్ని తనిఖీ చేశారు. ఈ సందర్భంగా టేబుళ్లు, కౌంటింగ్‌ హాళ్లు, సిబ్బంది, ఏజెంట్ల ప్రవేశం తదితర ఏర్పాట్ల గురించి రిటర్నింగ్‌ అధికారి పరిశీలకులకు వివరించారు. ఈ కార్యక్రమంలో సహాయ రిటర్నింగ్‌ అధికారులు ఆదర్శ్‌ సురభి, బీ సత్య్రప్రసాద్‌, డీ మధుసుదన్‌నాయక్‌, ఎం రాజేశ్వరీ, గణేశ్‌, రాజేందర్‌ తదితరులు పాల్గొన్నారు.
కౌంటింగ్‌ పరిశీలకులను కలిసిన కలెక్టర్‌
మామిళ్లగూడెం, జూన్‌ 2: లోకసభ ఎన్నికల కౌంటింగ్‌ పరిశీలకులు ప్రేదిమాన్‌ కృష్ణన్‌ భట్‌ ఆదివారం జిల్లాకు చేరుకున్నారు. ఈ సందర్భంగా ఖమ్మంలోని ఆఫీసర్స్‌ గెస్ట్‌ హౌజ్‌లో ఉన్న ఆయన్ను కలెక్టర్‌ గౌతమ్‌ మార్యదపూర్వకంగా కలిసి శాలువాతో సన్మానించారు. ఈ అబ్జర్వర్లు వైరా, సత్తుపల్లి, కొత్తగూడెం, అశ్వారావుపేట అసెంబ్లీ నియోజకవర్గాల పరిధిలో జరిగిన లోక్‌సభ ఎన్నికల కౌంటింగ్‌ను పరిశీలిస్తారని తెలిపారు.
Read Today's Latest Khammam News in Telugu and Telugu News
- Follow Us :
-
