TGRJC | నంది మేడారం టీజీఆర్‌జేసీ నుంచి ఇంటర్ విద్యార్థి పరార్.. హైరానా మధ్య ఆచూకీ లభ్యం

పెద్దపల్లి జిల్లా ధర్మారం మండలం నంది మేడారం లోని తెలంగాణ రాష్ట్ర బాలుర గురుకుల కళాశాల (టీజీఆర్‌జేసీ) ఇంటర్ ఫస్టియర్ విద్యార్థి ఇమ్మడి మెగా వర్షిత్ శనివారం తెల్లవారుజామున విద్యాలయం నుంచి పరారయ్యాడు. ఆ విద్యార్థి ఇంటికి చేరకపోవడంతో అతడి తండ్రి విధిలేని పరిస్థితుల్లో అతని ఆచూకీ కోసం ఆందోళనతో విద్యాలయానికి వచ్చాడు. విద్యార్థి ఆచూకీ దొరకపోవడంతో కళాశాల ప్రిన్సిపల్ ధర్మారం పోలీస్ స్టేషన్లో ఫిర్యాదు చేశాడు. చివరికి సాయంత్రం తోటి విద్యార్థులతో కలిసి కళాశాలకు ఆ విద్యార్థి చేరుకోవడంతో అందరూ ఊపిరి పీల్చుకున్నారు.

• సాయంత్రం తోటి విద్యార్థులతో కలిసి కళాశాలకు వచ్చిన సదరు విద్యార్థి

TGRJC | ధర్మారం, జూలై 19: పెద్దపల్లి జిల్లా ధర్మారం మండలం నంది మేడారం లోని తెలంగాణ రాష్ట్ర బాలుర గురుకుల కళాశాల (టీజీఆర్‌జేసీ) ఇంటర్ ఫస్టియర్ విద్యార్థి ఇమ్మడి మెగా వర్షిత్ శనివారం తెల్లవారుజామున విద్యాలయం నుంచి పరారయ్యాడు. ఆ విద్యార్థి ఇంటికి చేరకపోవడంతో అతడి తండ్రి విధిలేని పరిస్థితుల్లో అతని ఆచూకీ కోసం ఆందోళనతో విద్యాలయానికి వచ్చాడు. విద్యార్థి ఆచూకీ దొరకపోవడంతో కళాశాల ప్రిన్సిపల్ ధర్మారం పోలీస్ స్టేషన్లో ఫిర్యాదు చేశాడు. చివరికి సాయంత్రం తోటి విద్యార్థులతో కలిసి కళాశాలకు ఆ విద్యార్థి చేరుకోవడంతో అందరూ ఊపిరి పీల్చుకున్నారు.

ఈ క్రమంలో శనివారం తెల్లవారుజామున 4:30 గంటలకు ఆ విద్యాలయం పీడీ సురేష్ విద్యార్థుల అందరినీ అసెంబ్లీ చేయించి హాజరు తీసుకున్నాడు. ఈ క్రమంలో విద్యార్థి మెగా వర్షిత్ గైర్హాజర్ అయినట్లు పీడీ గుర్తించాడు. ఈ విషయాన్ని పీడీ ప్రిన్సిపల్ విద్యాసాగర్ దృష్టికి తీసుకెళ్లాడు. దీంతో కళాశాలలో ఉన్న సీసీ కెమెరాలను పరీక్షించడంతో తెల్లవారుజామున 4:23 నిమిషాలకు విద్యార్థి కళాశాల నుంచి బ్యాగుతో బయలుదేరి విద్యాలయ గేటు దూకి పరారై వెళ్లినట్లుగా సీసీ కెమెరా ద్వారా ఉపాధ్యాయులు గుర్తించారు. దీంతో ఈ విషయాన్ని ప్రిన్సిపాల్ సదరు విద్యార్థి తండ్రి కి సమాచారమందించాడు. విద్యార్థి పరారైన సంఘటన గురించి ప్రిన్సిపాల్ విద్యాసాగర్ ధర్మారం పోలీస్ స్టేషన్ లో ఫిర్యాదు చేశారు. కాగా మొదట తన కుమారుడు బంధువుల ఇంటికి వెళ్లి ఉండవచ్చని అని మెగా వర్షిత్ తండ్రి భావించాడు. కానీ తన కుమారుడు గురించి తెలిసిన బంధువులందరికీ ఫోన్ చేసి తెలుసుకున్నాడు.

కానీ అతని కుమారుడు మెగా వర్షిత్ బంధువుల వద్దకు వెళ్లలేదని నిర్ధారణ చేసుకున్న తండ్రి సత్తయ్య ఆందోళనతో మధ్యాహ్న సమయంలో నంది మేడారంలోని బాలుర గురుకుల కళాశాలకు చేరుకున్నాడు. తన కుమారుడి ఆచూకీ తెలియ రాలేదని ప్రిన్సిపల్ విద్యాసాగర్ కు వివరించి తీవ్ర ఆందోళనకు గురయ్యాడు. దీనిపై ప్రిన్సిపల్ విద్యాసాగర్ ను వివరణ కోరగా విద్యార్థి మెగా వర్షిత్ ఆచూకీ తెలియలేదని అతని తండ్రి సత్తయ్య విద్యాలయానికి వచ్చిన విషయం వాస్తవమేనని ధ్రువీకరించారు.

హైరానా మధ్య ఆచూకీ లభ్యం
తీవ్రమైన హైరానామధ్య కళాశాల నుంచి పరారైన విద్యార్థి మెగా వర్షిత్ ఆచూకీ ఎట్టకేలకు లభ్యమైంది. కళాశాల విద్యార్థులకు బోనాల సెలవులు ఇవ్వడంతో కొందరు ఇంటికి వెళ్లడానికి శనివారం బయటికి వెళ్లారు. విద్యార్థులు కొందరు నంది మేడారం శివారులోని పెట్రోల్ బంక్ నుంచి పాత గూడూరు గ్రామం వెళ్లే రహదారి పక్కన ఉన్న మామిడి తోటలో నిద్రించి ఉన్నట్లు గుర్తించారు. సదరు విద్యార్థిని తీసుకొని తోటి విద్యార్థులు గురుకుల కళాశాలకు తీసుకుని రావడంతో విద్యార్థి పరారైన సంఘటన సుఖాంతమైంది. దీంతో విద్యార్థి తండ్రి సత్తయ్యతో పాటు ప్రిన్సిపాల్ విద్యాసాగర్ ఊపిరి పీల్చుకున్నారు.