వృద్ధురాలి కంట్లో కారం చల్లి బంగారు పుస్తెలతాడు అపహరణ

జిల్లాలోని పాలకుర్తి మండలం కుక్కలగూడూరు గ్రామంలో వృద్ధురాలిపై దాడి చేసి పుస్తెలతాడు అపహరించిన ఘటన కలకలం రేపింది.

పెద్దపల్లి : జిల్లాలోని పాలకుర్తి మండలం కుక్కలగూడూరు గ్రామంలో వృద్ధురాలిపై దాడి చేసి పుస్తెలతాడు ( Gold chain ) అపహరించిన ఘటన కలకలం రేపింది. గ్రామానికి చెందిన బుర్ర పోశవ్వ (65) అనే వృద్ధురాలు మంగళవారం తెల్లవారుజామున ఇంటి బయట మంచంపై నిద్రిస్తుండగా గుర్తుతెలియని వ్యక్తి వచ్చి ఆమె కంట్లో కారం ( Chili Powder ) చల్లి మెడలో ఉన్న పుస్తెలతాడును అపహరించాడు. వృద్ధురాలి మెడలో ఉన్న సుమారు రెండు తులాల బంగారు తాడును దుండగుడు దొంగిలించాడని బాధితురాలు వాపోయింది. సమాచారం అందుకున్న ఎస్సై నూతి శ్రీధర్ సంఘటన స్థలానికి చేరుకుని కేసు నమోదు చేసి దర్యాప్తు ప్రారంభించారు.