Peddapally | 100 శాతం ఉత్తీర్ణత సాధించినందుకు గురుకులానికి నజరానా

పెద్దపల్లి జిల్లా సుల్తానాబాద్ మండలంలోని గరేపల్లి సాంఘిక సంక్షేమ గురుకుల బాలికల విద్యాలయం లో ఇటీవల విడుదలైన పదో తరగతి, ఇంటర్మీడియట్ లో విద్యార్థులు 100శాతం ఉత్తీర్ణత సాధించారు.

• గురుకుల అభివృద్ధికి రూ.ఐదు లక్షలు మంజూరు చేసిన ప్రభుత్వం

Peddapally | సుల్తానాబాద్ రూరల్, మే 29: పెద్దపల్లి జిల్లా సుల్తానాబాద్ మండలంలోని గరేపల్లి సాంఘిక సంక్షేమ గురుకుల బాలికల విద్యాలయం లో ఇటీవల విడుదలైన పదో తరగతి, ఇంటర్మీడియట్ లో విద్యార్థులు 100శాతం ఉత్తీర్ణత సాధించారు. ఇందుకు గాను తెలంగాణ ముఖ్యమంత్రి రేవంత్ రెడ్డి గురుకుల విద్యాలయ అభివృద్ధి కోసం రూ.ఐదు లక్షల చెక్కు అందజేశారు.

ఈ సందర్భంగా ఈనెల 28న హైదరాబాదులోని ప్రజా భవన్ లో ప్రిన్సిపాల్ గిరిజను అభినందించి సన్మానించారు.గర్రెపల్లి గురుకుల విద్యార్థులు విద్యలో రాణించి మంచి ఫలితాలు సాధించినందుకు పలువురు ప్రిన్సిపల్‌తో పాటు అధ్యాపక సిబ్బందిని అభినందించారు.