‘వేములవాడ వైభవం’ పుస్తకావిష్కరణ

వేములవాడకు చెందిన చొప్పకట్ల భాను రచించిన వేములవాడ వైభవం పుస్తకాన్ని త్యాగరాజస్వామివారి ఉత్సవాల సందర్భంగా బుధవారం రాజన్న ఆలయ వేదికపై ఈవో కృష్ణప్రసాద్‌ ఆవిష్కరించారు.

వేములవాడ టౌన్‌, జనవరి 11: వేములవాడకు చెందిన చొప్పకట్ల భాను రచించిన వేములవాడ వైభవం పుస్తకాన్ని త్యాగరాజస్వామివారి ఉత్సవాల సందర్భంగా బుధవారం రాజన్న ఆలయ వేదికపై ఈవో కృష్ణప్రసాద్‌ ఆవిష్కరించారు. వేములవాడ ఖ్యాతిని నలుదిశలా చాటి శ్రీపార్వతీ రాజరాజేశ్వరస్వామివారి మహిమలు తెలిపేలా రచనలు చేసిన రచయిత చొప్పకట్ల భానును అభినందించారు.

ఈ సందర్భంగా పలువురు సాహిత్యాభిమానులు భానును అభినందించారు. ఈ పుస్తకావిష్కరణ కార్యక్రమంలో ఏఈవో బ్రహ్మన్నగారి శ్రీనివాస్‌, డాక్టర్‌ మామిడిపెల్లి రాజన్న, ఆలయ పర్యవేక్షకులు శ్రీరాములు, శ్రీనివాస్‌, మధు శ్రీనివాస్‌, చౌటి లక్ష్మణ్‌ శర్మ, అష్టావధాని తిగుళ్ల శ్రీహరి శర్మ, చొప్పకట్ల పద్మ, వఝల పద్మ, కేశన్నగారి రాధిక, కొంటికర్ల రామయ్యశర్మ తదితరులు పాల్గొన్నారు.