కీవ్: ఉక్రెయిన్పై రష్యా యుద్ధానికి దిగి ఏడాదైంది. ఈ నేపథ్యంలో ఉక్రెయిన్ అధ్యక్షుడు జెలెన్స్కీ(Zelensky) మాట్లాడారు. చైనా అధ్యక్షుడు జీ జిన్పింగ్తో భేటీ కావాలనుకుంటున్నట్లు ఆయన తెలిపారు. శాంతి ప్రణాళికలో భాగంగా జిన్పింగ్(Xi Jinping)తో భేటీకానున్నట్లు చెప్పారు. రష్యాకు చైనా ఆయుధాలను సరఫరా చేస్తోందని ఆరోపణలు వస్తున్న నేపథ్యంలో ఆయన ఈ వ్యాఖ్యలు చేశారు. చైనా తన ఆయుధాలను రష్యాకు పంపవదన్న ఉద్దేశాన్ని ఆయన వ్యక్తం చేశారు.
చైనా శాంతి ప్రతిపాదన చేసినా.. ఉక్రెయిన్ నుంచి రష్యా దళాల ఉపసంహరింపుపై మాత్రం ఆ డాక్యుమెంట్లో ఎటువంటి అంశాన్ని వెల్లడించలేదు. జిన్పింగ్ను కలిసేందుకు జెలెన్స్కీ ఉత్సాహాంగా ఉన్నా.. చైనా అధికారులు మాత్రం ఇంత వరకు అధికారికంగా స్పందించలేదు. మరోవైపు చైనా చేసిన శాంతి ప్రతిపాదనను రష్యా స్వాగతించింది. చైనా అభిప్రాయాలను గౌరవిస్తున్నట్లు రష్యా విదేశాంగ శాఖ చెప్పింది.
చైనా పీస్ ప్లాన్ను పుతిన్ మెచ్చుకుంటున్నారని, అప్పుడు దాన్ని ఎలా అంగీకరిస్తామని అమెరికా అధ్యక్షుడు బైడెన్ అన్నారు. ఆ శాంతి ప్రణాళిక ఒక్క రష్యాకు తప్ప ఎవరికీ ఉపయోగపడదని ఆయన ఆరోపించారు.