Visit:
వాషింగ్టన్ : దీర్ఘ కాలంలో ప్రపంచాన్ని 80 కోట్ల ఉద్యోగాల కొరత వేధించనున్నదని.. విధాన కర్తలు ఈ విషయాన్ని విస్మరించొద్దని ప్రపంచ బ్యాంక్ అధ్యక్షుడు అజయ్ బంగా హెచ్చరించారు. పశ్చిమాసియా సంక్షోభం నేపథ్యంలో ఆయన మాట్లాడుతూ… రానున్న 10-15 ఏండ్లలో అభివృద్ధి చెందుతున్న దేశాల్లో సుమారు 120 కోట్ల మంది ప్రజలు శ్రామిక శక్తిలో భాగస్వాములు అవుతారని.. కానీ పరిస్థితి చూస్తే కేవలం 40 కోట్ల ఉద్యోగాలు మాత్రమే కొత్తగా పుట్టుకొచ్చే అవకాశం ఉందని ఆయన వివరించారు.
దీని వల్ల 80 కోట్ల ఉద్యోగాల కొరత ఏర్పడుతుందని చెప్పారు. ఇది ఆర్థిక-సామాజిక సమస్యలకు దారి తీసే ప్రమాదం ఉందని ఆందోళన వ్యక్తం చేశారు. కార్మిక, భూ చట్టాలు, వాణిజ్య వ్యవస్థలు, లాజిస్టిక్స్లలో పురోగతి సాధించడం ద్వారా ఉపాధి అవకాశాలు మెరుగుపడతాయని ఆయన ఆశాభావం వ్యక్తం చేశారు. తగినంత ఉపాధి కల్పన లేకపోతే అక్రమ వలసలు, అస్థిరత పెరుగుతాయని అన్నారు.
