రెస్టారెంట్‌లో బ‌ల్లిని చూసిన మ‌హిళ‌.. ఏం చేసిందో తెలుసా? వైర‌ల్ వీడియో

పైగా ఆ వ్య‌క్తి మీదికి బ‌ల్లి దూసుకెళ్లింది. చివ‌ర‌కు మ‌రో వ్య‌క్తి వ‌చ్చి రాడ్‌తో దాన్ని ఆపి.. దాని తోక ప‌ట్టుకొని అక్క‌డి నుంచి

సాధార‌ణంగా బ‌ల్లులు ఎక్క‌డైనా ఉంటాయి. ఇంట్లోనూ బోలెడు ఉంటాయి. కానీ.. వాటిని మ‌నం ఏం చేయం. అవి కూడా మ‌న జోలికి రావు. తాజాగా ఓ రెస్టారెంట్‌లో ఓ బ‌ల్లి హ‌డావుడి చేసింది. అది మామూలుగా ఇళ్ల‌లో తిరిగే బ‌ల్లి కాదు. దాని పేరు మానిట‌ర్ లిజార్డ్‌. అంటే.. అదో జాతికి చెందిన బ‌ల్లి అన్న‌మాట‌. చాలా పెద్ద‌గానే ఉంటుంది. అస‌లు ఆ బ‌ల్లి అక్క‌డికి ఎలా వ‌చ్చిందో తెలియ‌దు కానీ.. ఆ బ‌ల్లిని చూసి ఓ మ‌హిళ చెంగున ఎగిరి గంతేసింది. వెంట‌నే కుర్చీ ఎక్కేసింది.

ఇక‌.. గ‌ట్టిగా అర‌వ‌డం స్టార్ట్ చేసింది. దీంతో వెంట‌నే అక్క‌డికి చేరుకున్న రెస్టారెంట్ సిబ్బందిలో ఒక‌రు దాన్ని అక్క‌డి నుంచి పంపించే ప్ర‌య‌త్నం చేసినా అది అక్క‌డి నుంచి క‌ద‌ల్లేదు. పైగా ఆ వ్య‌క్తి మీదికి బ‌ల్లి దూసుకెళ్లింది. చివ‌ర‌కు మ‌రో వ్య‌క్తి వ‌చ్చి రాడ్‌తో దాన్ని ఆపి.. దాని తోక ప‌ట్టుకొని అక్క‌డి నుంచి తీసుకెళ్ల‌డంతో ఆ మ‌హిళ అప్పుడు ఊపిరి పీల్చుకుంది. ఈ ఘ‌ట‌న థాయిలాండ్‌లోని ఓ రెస్టారెంట్‌లో చోటు చేసుకుంది. ఈ ఘ‌ట‌న‌కు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది.