21 ఏండ్లలో 14 మందికి జ‌న్మ‌నిచ్చిన మ‌హిళ : వైర‌ల్ వీడియోలో పిల్ల‌ల ప‌రిచయం

ఓ మ‌హిళ 21 ఏండ్ల వ్య‌వ‌ధిలో తాను జ‌న్మ‌నిచ్చిన 14 మంది  పిల్ల‌ల‌ను ప‌రిచ‌యం చేసిన వీడియో సోష‌ల్ మీడియాలో ప్ర‌స్తుతం తెగ వైర‌ల‌వుతోంది.

న్యూఢిల్లీ : ఓ మ‌హిళ 21 ఏండ్ల వ్య‌వ‌ధిలో తాను జ‌న్మ‌నిచ్చిన 14 మంది  పిల్ల‌ల‌ను ప‌రిచ‌యం చేసిన వీడియో సోష‌ల్ మీడియాలో ప్ర‌స్తుతం తెగ వైర‌ల‌వుతోంది. ఈ క్లిప్‌లో త‌మ పిల్ల‌లు ఏ సంవ‌త్స‌రంలో పుట్టింది..ఏ వ‌య‌సులో తాను వారికి జ‌న్మ‌నిచ్చింద‌నే వివ‌రాల‌ను ఆమె వెల్ల‌డించింది.

Wait for it… pic.twitter.com/jSFyJwPrfh

— Yashar Ali 🐘 (@yashar) January 18, 2023

య‌ష‌ర్ అలి ఈ వీడియోను ట్విట్ట‌ర్‌లో షేర్ చేశారు. 43 సెకండ్ల వ్య‌వ‌ధి క‌లిగిన ఈ వీడియోలో మ‌హిళ త‌న పిల్ల‌ల‌ను ప‌రిచయం చేస్తూ క‌నిపించారు. తాను ఏ వ‌య‌సులో గ‌ర్భం దాల్చింద‌నే వివరాల‌నూ వెల్ల‌డించారు. 1996లో 20 ఏండ్ల వ‌య‌సులో తాను మొద‌టిగా కూతురుకు జ‌న్మ‌నిచ్చాన‌ని ప్ర‌స్తావించారు. ఆపై వ‌రుస‌గా త‌న పిల్ల‌ల‌ను చూపుతూ వారు ఏ ఏడాదిలో జ‌న్మించారనే వివ‌రాలు పొందుప‌రిచారు.

చివ‌రిగా తాను 42 ఏండ్ల వ‌య‌సులో 2017లో చిన్న కూతురుకి జ‌న్మ‌నిచ్చాన‌ని ఆమెను ప‌రిచ‌యం చేస్తూ మ‌హిళ వెల్ల‌డించారు. ఈ పోస్ట్‌కు వెయిట్ ఫ‌ర్ ఇట్ అని క్యాప్ష‌న్ ఇచ్చారు. ఈ వీడియోను ఆన్‌లైన్‌లో షేర్ చేసిన‌ప్ప‌టి నుంచి 5 ల‌క్ష‌ల మంది వీక్షించారు. మ‌హిళ వీడియోపై నెటిజ‌న్ల నుంచి మిశ్ర‌మ స్పంద‌న ల‌భించింది.