హెచ్‌-1బీ వీసాలకు తగినన్ని దరఖాస్తులు

2024 ఆర్థిక సంవత్సరానికి జారీచేయాల్సిన హెచ్‌-1బీ విదేశీ ఉద్యోగ వీసాల పరిమితిని చేరుకునేందుకు తగినన్ని దరఖాస్తులు అందినట్టు అమెరికా యూఎస్‌సీఐఎస్‌ ప్రకటించింది.

వాషింగ్టన్‌: 2024 ఆర్థిక సంవత్సరానికి జారీచేయాల్సిన హెచ్‌-1బీ విదేశీ ఉద్యోగ వీసాల పరిమితిని చేరుకునేందుకు తగినన్ని దరఖాస్తులు అందినట్టు అమెరికా యూఎస్‌సీఐఎస్‌ ప్రకటించింది. ఈ ఏడాది అక్టోబర్‌ 1 నుంచి వచ్చే ఏడాది సెప్టెంబర్‌ 30 మధ్య కాలానికి నిర్దేశించిన 65 వేల సాధారణ హెచ్‌-1బీ వీసాలు, 20 వేల హెచ్‌-1బీ అడ్వాన్స్‌డ్‌ డిగ్రీ (మాస్టర్స్‌) వీసాల పరిమితిని చేరుకునేందుకు తగిన దరఖాస్తులు వచ్చినట్టు వెల్లడించింది.

ఈ వీసాలకు ఎంపికకాని దరఖాస్తుదారులకు కొద్ది రోజుల్లో వారి ఆన్‌లైన్‌ ఖాతాల ద్వారా నాన్‌-సెలక్షన్‌ నోటీసులు పంపుతామని, పరిమితి నుంచి మినహాయించిన పిటిషన్ల స్వీకరణ, ప్రాసెసింగ్‌ను కొనసాగిస్తామని స్పష్టం చేసింది.