అత్యాధునిక రైఫిల్‌తో ఉక్రెయిన్ మ‌హిళా ఎంపీ.. ర‌ష్యాను ప్ర‌తిఘ‌టిస్తామంటూ ప్ర‌క‌ట‌న

ఉక్రెయిన్‌పై ర‌ష్యా త‌న భీక‌ర దాడుల‌ను కొన‌సాగిస్తూనే వుంది. ప‌లు కీల‌క‌మైన ప‌ట్ట‌ణాల్లో ర‌ష్యా జెండాను కూడా పాతేసింది. రాజ‌ధాని కీవ్‌తో పాటు ఖార్కిన్ వంటి కీల‌క న‌గ‌రాల్లోకి ర‌ష్యా బ‌ల‌గాలు ప్ర‌వేశించాయి. తాము చివ‌రాఖ‌రు ఊపిరి వ‌ర‌కూ పోరాడుతూనే వుంటామ‌ని ఉక్రెయిన్ ప్ర‌క‌టించింది. అయితే ఈ స‌మ‌యంలో ఉక్రెయిన్‌కు చెందిన కిరా రుడిక్ అనే ఎంపీ సోష‌ల్ మీడియాలో ఓ ఫొటో పోస్ట్ చేశారు. ఉక్రెయిన్‌కు చెందిన ప్ర‌తి పౌరుడూ… ఆడ‌, మ‌గ అంద‌రూ ర‌ష్యా చేస్తున్న ద‌మ‌న‌కాండ‌ను నిర‌సిస్తూ ఆయుధాలు ప‌ట్టుకోడానికి సిద్దంగా ఉన్నారు అంటూ పోస్ట్ చేశారు. ఇప్పుడు ఇదే వైర‌ల్ అవుతోంది. ఆ ఎంపీ క‌లాష్నికోవ్ రైఫిల్‌తో ఉన్న ఫొటోను షేర్ చేశారు.

ర‌ష్యా ఉక్రెయిన్‌పై దాడి చేయ‌డం ప్రారంభించిన నేప‌థ్యంలో ఉక్రెయిన్ అధ్య‌క్షుడు జెలెన్‌స్కీ మాట్లాడుతూ… దేశ ర‌క్ష‌ణ కోసం తాము ఎవ్వ‌రికైనా ఆయుధాల‌ను ఇవ్వ‌డానికి రెడీగానే ఉన్నామ‌ని కీల‌క ప్ర‌క‌ట‌న చేశారు. ఉక్రెయిన్‌కు మ‌ద్ద‌తివ్వ‌డానికి సిద్ధంగా ఉండాల‌ని ఆయ‌న కోరారు. ర‌ష్యా మెరుపుదాడి చేసింద‌ని, నాజీ జ‌ర్మ‌నీ లాగా రష్యా దాడి చేసింద‌ని జెలెన్‌స్కీ అభివ‌ర్ణించారు.