Visit:
పారిస్‌: శిక్షణ సందర్భంగా విన్యాసాలు నిర్వహిస్తుండగా రెండు ఫైటర్‌ జెట్ విమానాలు గాలిలో ఢీకొట్టాయి. (French jets collide mid-air) అయితే పైలట్లు పారాచూట్ల సహాయంతో దూకేశారు. గాయపడిన వారు స్పృహతప్పినట్లు అధికారులు తెలిపారు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. ఫ్రాన్స్‌లోని సెయింట్ డైజియర్‌ ప్రాంతంలోని ఎయిర్ బేస్‌ సమీపంలో ఈ సంఘటన జరిగింది. రష్యాతో యుద్ధం నేపథ్యంలో ఉక్రేనియన్ పైలట్లకు ఫ్రాన్స్‌ శిక్షణ ఇస్తోంది. ఇందులో భాగంగా మార్చి 25న ఫ్రెంచ్ ఎయిర్ ఫోర్స్‌కు చెందిన ఆల్ఫా జెట్ విమానాలతో ట్రైనింగ్‌ జరిగింది.
కాగా, గాలిలో విన్యాసాల సందర్భంగా రెండు జెట్ విమానాలు ఢీకొన్నాయి. ఒక విమానం కూలిపోవడంతో మంటలు ఎగసిపడ్డాయి. ఇద్దరు పైలట్లు, ఒక వ్యక్తి పారాచూట్ల సహాయంతో ఆ విమానం నుంచి బయటపడ్డారు. అయితే కిందపడిన వారు తీవ్రంగా గాయపడ్డారు. వారిని వెంటనే హాస్పిటల్‌కు తరలించారు. ఆ ముగ్గురు స్పృహతప్పినట్లు అధికారులు తెలిపారు. ఎలాంటి ప్రాణనష్టం జరుగలేదని చెప్పారు. ఈ సంఘటనపై దర్యాప్తు జరుపుతున్నట్లు వెల్లడించారు. మరోవైపు ఫైటర్‌ జెట్లు గాలిలో ఢీకొన్న వీడియో క్లిప్‌ సోషల్‌ మీడియాలో వైరల్‌ అయ్యింది.
This is the moment two jets from the French air force’s acrobatics team collided mid-air, after a training exercise went wrong.
Both pilots and a passenger survived after ejecting the aircraft. pic.twitter.com/vGCKmm2oC0
— DW News (@dwnews) March 26, 2025
