Visit:
Donald Trump | గోల్ఫ్‌ సూపర్‌స్టార్‌ టైగర్ వుడ్స్ (Tiger Woods) షాకింగ్‌ విషయాన్ని వెల్లడించారు. అమెరికా అధ్యక్షుడు డొనాల్డ్‌ ట్రంప్ (Donald Trump) మాజీ కోడలు వెనెసా ట్రంప్ (Vanessa Trump)తో తాను రిలేషన్‌లో ఉన్నట్లు ప్రకటించారు. ఈ మేరకు సోషల్‌ మీడియాలో ఓ పోస్ట్‌ పెట్టారు. ‘నీ ప్రేమలో ఉంటే గాల్లో తేలినట్లుంది..’ అంటూ రాసుకొచ్చారు. ఈ పోస్ట్‌కు వెనెసాతో సన్నిహితంగా ఉన్న ఫొటోలను షేర్‌ చేశారు. ప్రస్తుతం ఈ పోస్ట్‌ నెట్టింట తెగ వైరల్‌ అవుతోంది. వెనెసా సైతం తన ఇన్‌స్టాగ్రామ్ ఖాతాలో టైగర్ వుడ్స్‌తో కలిసి దిగిన ఫొటోను షేర్‌ చేస్తూ తమ బంధాన్ని ధ్రువీకరించారు.
Love is in the air and life is better with you by my side! We look forward to our journey through life together. At this time we would appreciate privacy for all those close to our hearts. pic.twitter.com/ETONf1pUmI
— Tiger Woods (@TigerWoods) March 23, 2025
కాగా, ట్రంప్ కుమారుడైన డొనాల్డ్‌ ట్రంప్ జూనియర్‌తో 2005 నవంబర్‌ 12న వెనెసా వివాహం జరిగింది. ఫ్లోరిడాలోని ట్రంప్ ఎస్టేట్‌ మార్‌ ఎ లాగో క్లబ్‌లో వీరి వివాహం అంగరంగ వైభవంగా జరిగింది. వీరికి ఐదుగురు పిల్లలు ఉన్నారు. అయితే, ఇద్దరి మధ్యా మనస్పర్థలు రావడంతో 2018లో విడాకులు తీసుకున్నారు. అనంతరం ట్రంప్ జూనియర్‌కు 2020లో ఫాక్స్‌న్యూస్‌ మాజీ హోస్ట్‌ కింబర్లీతో నిశ్చితార్థం జరిగింది.
ఇక టైగర్ వుడ్స్ గతంలో స్వీడిష్‌ మోడల్‌ ఎలిన్‌ నార్డెగ్రెన్‌ను వివాహం చేసుకున్నాడు. అయితే, 15 సార్లు మేజర్ ఛాంపియన్‌గా నిలిచిన ఈ గోల్ఫర్ పలువురి మహిళలతో వివాహేతర సంబంధాలు వెలుగులోకి వచ్చాయి. దీంతో 2010లో ఎలిన్‌ విడాకులు తీసుకుంది. ఈ జంటకు ఇద్దరు పిల్లలు ఉన్నారు. ఎలిన్‌తో విడాకుల తర్వాత అమెరికన్ స్కీయింగ్ లెజెండ్ లిండ్సే వాన్, ఎరికా హెర్మన్‌ సహా పలు హై ప్రొఫైల్‌ ఉన్న వారితో సహజీవనం చేశాడు. ఇప్పుడు ట్రంప్ మాజీ కోడలితో రిలేషన్‌లో ఉన్నట్లు ప్రకటించాడు.
Also Read..
Jeff Bezos | వెనిస్‌ వేదికగా బెజోస్‌ వివాహం.. ముహూర్తం ఫిక్స్‌..?
Canada | కెనడాలో మధ్యంతర ఎన్నికలు..
