H-1b Visa | మూడేండ్ల పాటు హెచ్‌-1బీ వీసాల జారీ నిలిపివేత?.. పరిమితి కూడా 25 వేలకు తగ్గింపు!

H-1b Visa | హెచ్‌-1బీ వీసాల జారీపై అమెరికాలో మరో కీలక పరిణామం చోటుచేసుకుంది. మూడేండ్ల పాటు హెచ్‌-1బీ వీసాల జారీని నిలిపివేయాలంటూ అమెరికా చట్టసభలో కాంగ్రెస్‌ సభ్యుడు ఎలిక్రేన్‌ బుధవారం కొత్త ఇమిగ్రేషన్‌ బిల్లు ప్రవేశపెట్టారు.

H-1b Visa | వాషింగ్టన్‌, ఏప్రిల్‌ 23 : హెచ్‌-1బీ వీసాల జారీపై అమెరికాలో మరో కీలక పరిణామం చోటుచేసుకుంది. మూడేండ్ల పాటు హెచ్‌-1బీ వీసాల జారీని నిలిపివేయాలంటూ అమెరికా చట్టసభలో కాంగ్రెస్‌ సభ్యుడు ఎలిక్రేన్‌ బుధవారం కొత్త ఇమిగ్రేషన్‌ బిల్లు ప్రవేశపెట్టారు. ఇది హెచ్‌-1బీ వీసా భవిష్యత్‌పై మరోసారి సందేహాలను లేవనెత్తింది. ఈ ప్రతిపాదనకు పలువురు హౌస్‌ రిపబ్లికన్‌ సభ్యులు మద్దతు తెలిపారు. ఈ మూడేండ్ల నిషేధం వల్ల ఈ వ్యవస్థ పూర్తిగా పునర్‌ నిర్మాణమవుతుందని సభ్యులు అభిప్రాయపడ్డారు.

అయితే కార్మికులు, విద్యార్థులు, ప్రతిభావంతులైన విదేశీయులపై ఆధారపడే కంపెనీలపై ఇది తీవ్ర ప్రతికూల ప్రభావం చూపుతుందని పలువురు విమర్శిస్తున్నారు. ఈ కొత్త ప్రతిపాదన ప్రకారం ప్రస్తుతం ఉన్న హెచ్‌-1బీ వీసాల సంఖ్యను 65 వేల నుంచి 25 వేలకు తగ్గించడమే కాక, ప్రస్తుతమున్న పరిమితులను తొలగిస్తారు. లాటరీ విధానాన్ని వేతన ఆధారిత వ్యవస్థతో భర్తీ చేస్తారు. ఉద్యోగులు అవసరమైన కంపెనీలు తాము ఉద్యోగుల తొలగింపును చేపట్టలేదని, ఆ పోస్టుకు తగిన అర్హత కలిగిన అమెరికన్లు లభించ లేదని నిర్ధారించాలి. హెచ్‌-1బీకి కనీసం 200000 డాలర్ల వార్షిక వేతనం నిర్ణయించాలి.