Visit:
Statue of Liberty | బ్రెజిల్ (Brazil)ని బలమైన తుఫాను అతలాకుతలం చేసింది. బలమైన గాలులకు (strong winds) చెట్లు, విద్యుత్ స్తంభాలు నేలకూలాయి. దక్షిణ బ్రెజిల్లోని రియో గ్రాండే డో సుల్ రాష్ట్రంలో గాలుల తీవ్రత అధికంగా ఉంది. ఈ గాలుల తీవ్రతకు మెట్రోపాలిటన్ ప్రాంతంలోని పోర్టో అలెగ్రే (Porto Alegre) సమీపంలో గల గువైబా నగరంలో ఉన్న స్టాట్యూ అఫ్ లిబర్టీ (Statue of Liberty) విగ్రహం ఒక్కసారిగా నేలకూలిపోయింది.
దాదాపు 24 మీటర్ల పొడవున్న ఈ విగ్రహం హవాన్ రిటైల్ దుకాణంలోని పార్కింగ్ ప్రాంతంలో ఏర్పాటు చేశారు. అయితే, బలమైన గాలులకు అది ఒక్కసారిగా కూలి పార్కింగ్ ప్లేస్లో పడిపోయింది. అదృష్టవశాత్తూ ఆ సమయంలో అక్కడ ప్రజలు ఎవరూ లేకపోవడంతో ప్రమాదం తప్పింది. విగ్రహం కూలుతున్న దృష్యాలు సోషల్ మీడియాలో వైరల్గా మారాయి. ఇక తుఫాన్ సమయంలో గాలి వేగం గంటకు 90 కిలోమీటర్లకు మించి నమోదైనట్లు స్థానిక మీడియా పేర్కొంది. మెట్రోపాలిటన్ ప్రాంతమంతా తీవ్రమైన వాతావరణ హెచ్చరికలు జారీ అయ్యాయి.
BREAKING: Statue of Liberty collapses due to strong winds in Guaíba, Brazil.
PS: The replica statue was installed in the early 1900s and is associated with Freemasonry. pic.twitter.com/dA3NfVWnSx
— Megh Updates 🚨™ (@MeghUpdates) December 15, 2025
Also Read..
UNSC | ఇమ్రాన్ను జైల్లో పెట్టి.. మునీర్కు సర్వాధికారాలా.. ఐరాసలో పాక్ను ఎండగట్టిన భారత్
Mathura | దట్టమైన పొగమంచు.. బస్సులు ఢీకొని చెలరేగిన మంటలు.. నలుగురు మృతి
