వాషింగ్టన్: హృద్రోగ సమస్యలు ఉన్నవాళ్లు ఎప్పుడూ తమ గుండె వేగాన్ని అంచనా వేసుకుంటూ ఉండాలి. దీనికోసం ఇప్పటికే మార్కెట్లో స్మార్ట్వాచ్లు, చెస్ట్స్ట్రాప్లు అందుబాటులో ఉన్నాయి. అయితే వాటిని 24 గంటల పాటు ధరించి ఉండటం కూడా ఇబ్బందే. దీనికి అమెరికా పరిశోధకులు చక్కని పరిష్కారాన్ని కనిపెట్టారు. గుండెవేగాన్ని అంచనావేస్తూ, అప్రమత్తం చేసే స్మార్ట్ టీ-షర్ట్ను అభివృద్ధి చేశారు. అథ్లెట్లు ధరించేట్టు ఉండే ఈ టీ-షర్ట్ను ధరిస్తే హార్ట్బీట్ను ఎప్పటికప్పుడు తెలుసుకోవచ్చన్నారు. దీనికోసం కాటన్లా కనిపించే ప్రత్యేకమైన కార్బన్ నానోట్యూబ్ ఫైబర్లను వాడినట్టు చెప్పారు. టీ-షర్ట్పై ఉన్న బ్లూటూత్ ట్రాన్స్మిటర్ సాయంతో హార్ట్బీట్ వివరాలను మొబైల్లో చూసుకోవచ్చన్నారు. ఉతికినా ఈ టీ-షర్ట్కు ఏమీకాదని పేర్కొన్నారు.