Lebanon explosion | లెబ‌నాన్‌లో భారీ పేలుడు.. ప‌లువురు మృతి
Lebanon explosion | లెబ‌నాన్ దేశంలోని టైర్ అనే న‌గ‌రంలో శ‌నివారం భారీ పేలుడు సంభ‌వించింది. ఈ పేలుడులో దాదాపు 12 మందికి పైగా తీవ్ర గాయాల పాల‌య్యార‌ని, అనేక మంది మ‌ర‌ణించార‌ని
లెబ‌నాన్ దేశంలోని టైర్ అనే న‌గ‌రంలో శ‌నివారం భారీ పేలుడు సంభ‌వించింది. ఈ పేలుడులో దాదాపు 12 మందికి పైగా తీవ్ర గాయాల పాల‌య్యార‌ని, అనేక మంది మ‌ర‌ణించార‌ని స్థానిక మీడియా తెలిపింది.
ఈ పేలుడు ద‌క్షిణ లెబ‌నాన్‌లోని ఓ పాలస్తీనా రెఫ్యూజీ క్యాంప్‌లో జ‌రిగింది. లెబ‌నాన్‌లో ప‌లు పాలస్తీనా శిబిరాలు ఉన్నాయి. వాటిలో బుర్జ్ అల్ షెమాలీ క్యాంప్‌లో ఈ పేలుడు సంభ‌వించింది. ఈ శిబిరం హ‌మాస్ గ్రూప్ ఆధ్వ‌ర్యంలో ఉంది.
ఆ క్యాంప్‌లోని హ‌మాస్ ఆయుధాల నిలువ గ‌దిలో ఈ పేలుడు జ‌రిగింద‌ని, ఇప్ప‌టికిదాకా పేలుడు గ‌ల కార‌ణాలు స్ప‌ష్టంగా తెలియ‌లేద‌ని ప్ర‌భుత్వ మీడియా వ‌ర్గాలు చెబుతున్న‌ప్ప‌టికీ.. ఆయుధాల ప‌క్క‌నే ఆక్సిజ‌న్ సిలిండ‌ర్లున్నాయని.. వాటి వ‌ల్లే పేలుడు సంభ‌వించింద‌ని కొంద‌రు చెబుతున్నారు.
భ‌ద్ర‌తా ద‌ళాలు ప్ర‌థ‌మిక విచార‌ణ చేసి త్వ‌ర‌గా నివేదిక స‌మ‌ర్పించాల‌ని టైర్ న‌గ‌ర న్యాయ‌మూర్తి ఆదేశించిన‌ట్లు స‌మాచారం.
Read Today's Latest International News in Telugu and Telugu News
- Follow Us :
-
