వాషింగ్టన్, ఫిబ్రవరి 16: విద్యుత్తు బదులుగా కాంతితో పనిచేసే కొత్త కంప్యూటర్ చిప్ను పెన్సిల్వేనియా యూనివర్సిటీ శాస్త్రవేత్తలు అభివృద్ధి చేశారు. దీని ద్వారా కృత్రిమ మేధ పద్ధతులను అభివృద్ధి చేసి డాటా బదిలీ వేగవంతంగా, మరింత సామర్థ్యంతో చేయొచ్చని వారు చెప్తున్నారు.
సిలికాన్-ఫొటోనిక్(సిఫ్) చిప్గా పిలిచే ఈ సరికొత్త చిప్ కాంతిని ఉపయోగించుకొని లెక్కలను వేగంగా నిర్వహిస్తుంది. బహుళ సంఖ్యలను ఒకేసారి గుణకారం చేసేందుకు వీలుగా, హ్యాక్ చేయలేని విధంగా ఈ చిప్ను రూపొందించారు. ఈ చిప్లు గ్రాఫిక్స్ ప్రాసెసింగ్ యూనిట్ల స్థానాన్ని భర్తీ చేయవచ్చని అసోసియేట్ ప్రొఫెసర్ ఫిరూజ్ తెలిపారు. కాంతితో పనిచేసే ఈ చిప్ల వల్ల డాటా భద్రంగా ఉంటుందని సైంటిస్టులు చెప్తున్నారు. ఈ పరిశోధన వివరాలు నేచర్ ఫొటోనిక్స్లో ప్రచురితమయ్యాయి.