Russia president | భారత పర్యటనకు రష్యా అధ్యక్షుడు పుతిన్‌.. ఎప్పుడంటే..!

Russia president | రష్యా అధ్యక్షుడు వ్లాదిమర్ పుతిన్ త్వరలో భారత్‌లో పర్యటించనున్నారు. ఈ మేరకు ఆ దేశ అధ్యక్ష కార్యాలయం క్రెమ్లిన్ ఓ ప్రకటన విడుదల చేసింది. త్వరలో అధ్యక్షుడు పుతిన్‌ భారత్‌లో పర్యటిస్తారని ఆ ప్రకటనలో పేర్కొంది.

Russia president : రష్యా అధ్యక్షుడు వ్లాదిమర్ పుతిన్ త్వరలో భారత్‌లో పర్యటించనున్నారు. ఈ మేరకు ఆ దేశ అధ్యక్ష కార్యాలయం క్రెమ్లిన్ ఓ ప్రకటన విడుదల చేసింది. త్వరలో అధ్యక్షుడు పుతిన్‌ భారత్‌లో పర్యటిస్తారని ఆ ప్రకటనలో పేర్కొంది. పర్యటన తేదీల ఖరారుపై భారత్‌తో చర్చిస్తున్నామని క్రెమ్లిన్ తెలిపింది. పుతిన్ భారత పర్యటన ఖరారైతే రష్యా-ఉక్రెయిన్ యుద్ధం ప్రారంభమైన తర్వాత పుతిన్‌ భారత్‌లో పర్యటించడం ఇదే తొలిసారి కానుంది.

గత నెలలో బ్రిక్స్‌ సదస్సులో భాగంగా రష్యా అధ్యక్షుడు పుతిన్‌తో సమావేశమైన మోదీ.. వచ్చే ఏడాది భారత్‌లో జరగనున్న 23వ భారత్‌-రష్యా వార్షిక సదస్సుకు రావాలని పుతిన్‌ను ఆహ్వానించారు. ఈ ఏడాది ఇప్పటికే ఇరువురు నేతలు రెండుసార్లు సమావేశమై ద్వైపాక్షిక చర్చలు జరిపారు. ఉక్రెయిన్‌తో వివాదాలను చర్చల ద్వారా పరిష్కరించుకోవాలని మోదీ ఇప్పటికే పలుమార్లు రష్యాకు సూచించారు.

రష్యా-ఉక్రెయిన్‌ దేశాల మధ్య శాంతిని పునరుద్ధరించడానికి సహకారం అందిస్తామని మోదీ చెప్పారు. అందులో భాగంగా అప్పుడు జాతీయ భద్రతా సలహాదారు అజిత్‌ దోవల్‌ను మాస్కోకు పంపించారు.