కీవ్‌లోకి ర‌ష్యా బ‌ల‌గాలు.. యుద్ధ ట్యాంక్‌ల‌తో ప‌హారా

February 25, 2022 / 02:44 PM IST

కీవ్ : ర‌ష్యా బ‌ల‌గాలు ఉక్రెయిన్ రాజ‌ధాని కీవ్‌లోకి ఎంట‌ర్ అయ్యాయి. ఈ విష‌యాన్ని ఉక్రెయిన్ అధికారులు ఓ ట్వీట్ ద్వారా వెల్ల‌డించారు. ఒబ‌ల‌న్ జిల్లాలో ఉన్న పార్ల‌మెంట్‌కు 9 కిలోమీట‌ర్ల దూరంలో శ‌త్రువులు మోహ‌రించి ఉన్న‌ట్లు ఉక్రెయిన్ ర‌క్ష‌ణ మంత్రిత్వ‌శాఖ తెలిపింది. అయితే మోల‌టోవ్ కాక్‌టెయిల్స్‌(పెట్రోల్ బాంబులు)తో ర‌ష్యా బ‌ల‌గాల‌పై ప్ర‌తిదాడికి దిగాల‌ని స్థానికుల‌కు ఉక్రెయిన్ ప్ర‌భుత్వం ఆదేశించింది. ఇండ్ల‌ను వ‌దిలి ఎవ‌రూ బ‌య‌ట‌కు రావొద్దు అని అధికారులు తెలిపారు. కీవ్‌లో ఇప్ప‌టికీ భారీ శ‌బ్ధాలు వినిపిస్తున్న‌ట్లు కొంద‌రంటున్నారు. ఒబ‌ల‌న్ జిల్లాలో ర‌ష్యా ట్యాంకులు ప‌హారా కాస్తున్న దృశ్యాల‌ను సోష‌ల్ మీడియాలో రిలీజ్ చేశారు. నివాసాలు ఎక్కువ‌గా ఉండే ఒబ‌ల‌న్ ప్రాంతాన్ని ర‌ష్యా బ‌ల‌గాలు చేజిక్కించుకున్న‌ట్లు తెలిపారు. ఉక్రెయిన్‌లో ఉన్న న‌గ‌రాల‌పై ర‌ష్యా దాడులు కొన‌సాగిస్తూనే ఉన్న‌ది. గ‌డిచిన 24 గంట‌ల్లో 33 నివాస ప్రాంతాల‌ను ర‌ష్యా టార్గెట్ చేసిన‌ట్లు తెలుస్తోంది.