Russia vs Ukraine | రష్యాలోని గ్యాస్‌ ప్లాంట్‌పై డ్రోన్‌లతో విరుచుకుపడ్డ ఉక్రెయిన్‌..!

Russia vs Ukraine | ష్యా (Russia), ఉక్రెయిన్‌ (Ukraine) దేశాల మధ్య సుదీర్ఘకాలంగా వార్‌ కొనసాగుతూనే ఉంది. ఓరెన్‌బర్గ్‌ (Orenburg) ప్రాంతంలోని అతిపెద్ద గ్యాస్‌ ప్రాసెసింగ్‌ ప్లాంట్‌ (Gas processing plant) ను లక్ష్యంగా చేసుకుని ఉక్రెయిన్‌ డ్రోన్‌లు విరుచుకుపడ్డాయి.

Russia vs Ukraine : రష్యా (Russia), ఉక్రెయిన్‌ (Ukraine) దేశాల మధ్య సుదీర్ఘకాలంగా వార్‌ కొనసాగుతూనే ఉంది. ఓరెన్‌బర్గ్‌ (Orenburg) ప్రాంతంలోని అతిపెద్ద గ్యాస్‌ ప్రాసెసింగ్‌ ప్లాంట్‌ (Gas processing plant) ను లక్ష్యంగా చేసుకుని ఉక్రెయిన్‌ డ్రోన్‌లు విరుచుకుపడ్డాయి. కీవ్‌కు తూర్పు వైపు 1,700 కిలోమీటర్ల దూరం చొచ్చుకొచ్చి మరీ ఉక్రెయిన్‌ ఈ దాడి చేసింది. ఉక్రెయిన్‌ దీర్ఘశ్రేణి దాడుల శక్తికి ఈ దాడి ఉదాహరణగా నిలిచింది.

ఉక్రెయిన్‌ డ్రోన్‌ దాడి కారణంగా గ్యాస్‌ ప్లాంట్లోని ఓ యూనిట్‌లో మంటలు చెలరేగాయి. ఆ తర్వాత మంటలను అదుపులోకి తెచ్చారు. ఈ ఘటనలో ఎవరూ గాయపడలేదని తెలిపారు. దాడి జరిగిన ప్రదేశం జనావాసాలకు అతిదగ్గరగా ఉందని చెప్పారు. రష్యాలోని సుదూర ప్రాంతాల్లో కూడా ఉక్రెయిన్‌ దళాలు డ్రోన్‌ దాడులు చేస్తున్నాయి. గత నెల దాదాపు 2,000 కిలోమీటర్ల లోపలకు చొచ్చుకెళ్లి దాడికి తెగబడ్డ ఘటనలున్నాయి.

రష్యా ఎయిర్‌ డిఫెన్స్‌ వ్యవస్థలకు ఇది సవాలుగా మారింది. సైబీరియా, ఊరల్‌ పర్వతాల్లో చమురు క్షేత్రాలను ఉక్రెయిన్‌ డ్రోన్‌లు లక్ష్యంగా చేసుకొంటున్నాయి. తాజాగా సమర రీజయన్‌లో కూడా డ్రోన్‌ దాడి జరిగినట్లు తెలుస్తోంది. అయితే స్థానికులు మాత్రం చమురు రిఫైనరీని లక్ష్యంగా చేసుకొన్నట్లు చెబుతున్నారు.