అచ్చం మ‌నిషిని పోలిన రోబో.. దీని మిమిక్రీ అదుర్స్ : వైర‌ల్ వీడియో

మీరు రోబో సినిమా చూశారా.. అందులో ర‌జ‌నీకాంత్ ఒక రోబోను త‌యారు చేస్తాడు. అది కూడా అచ్చం ర‌జ‌నీకాంత్‌లా ఉంటుంది. ఎటువంటి ప‌నులైనా చేస్తుంది. కానీ.. దానికి హ్యూమ‌న్ ఎమోష‌న్స్ ఉండ‌వ‌ని.. అది దేనికీ ప‌నికిరాదు అని తెలిసి దానికి హ్యూమ‌న్ ఎమోష‌న్స్‌ను యాడ్ చేస్తాడు ర‌జ‌నీ. దీంతో అది అచ్చం మ‌నిషిలా ఆలోచించ‌డం మొద‌లు పెడుతుంది. మ‌నిషిలా ప్రేమించ‌డం.. ద్వేషించ‌డం నేర్చుకుంటుంది.

అది సినిమా క‌దా.. అలాంటి రోబోలు నిజంగా ఉంటాయా అనే డౌట్ మ‌న‌కు అప్పుడు వ‌చ్చింది. కానీ.. నిజంగానే అటువంటి రోబోలు ఉంటాయి. వాటినే హ్యూమ‌నాయిడ్ రోబోలు అంటారు. చాలా ఏళ్ల నుంచి హ్యూమ‌నాయిడ్ రోబోల‌పై విస్తృతంగా శాస్త్ర‌వేత్త‌లు ప‌రిశోధ‌న‌లు చేస్తున్నారు.

అచ్చం మ‌నిషి రూపంలో ఉండే రోబోలు ఇప్పుడు ద‌ర్శ‌న‌మిస్తున్నాయి. మ‌నిషిలా న‌వ్వ‌డం.. త‌ల ఊప‌డం.. మ‌నిషిలా ప్ర‌వ‌ర్తించ‌డం చేస్తున్నాయి. అలాంటి ఓ రోబో వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది. ఈరోబోను చూస్తే అచ్చం మ‌నిషిని చూసిన‌ట్టే ఉంటుంది.

🤖 A robot trying to replicate human emotions.pic.twitter.com/JXLZSUkWXu

— EHA News (@eha_news) January 13, 2022

ఎహా న్యూస్ అనే ట్విట్ట‌ర్ అకౌంట్‌లో రోబోకు సంబంధించిన ఈ వీడియోను షేర్ చేశారు. అందులో ఉండే రోబో పేరు అట్లాస్‌. మ‌నిషి హావ‌భావాల‌ను ప‌లికిస్తూ అంద‌రినీ ప‌ల‌క‌రిస్తుంది ఈ రోబో. మనిషిలా మిమిక్రీ చేస్తుంది. దాని చేష్ట‌ల‌ను చూసిన నెటిజ‌న్లు వామ్మో ఇదేం రోబో బాబోయ్ అంటూ కామెంట్లు చేస్తున్నారు. ఆ వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది.