North Korea: స‌బ్‌మెరైన్ల నుంచి ఫైర్ చేసే క్రూయిజ్ మిస్సైళ్ల‌ను ప‌రీక్షించిన ఉత్త‌ర కొరియా

North Korea: జ‌లాంత‌ర్గాముల నుంచి ఫైర్ చేసే క్రూయిజ్ క్షిప‌ణుల‌ను ప‌రీక్షించిన‌ట్లు ఉత్త‌ర కొరియా చెప్పింది. రెండు ర‌కాల క్షిప‌ణుల‌ను మిలిట‌రీ ప‌రీక్షించిన‌ట్లు ఉత్త‌ర కొరియా మీడియా పేర్కొన్న‌ది.

సియోల్‌: ఉత్త‌ర కొరియా(North Korea) త‌న ఆయుధ సంప‌ద‌ను పెంచుకుంటోంది. అయితే జ‌లాంత‌ర్గాముల నుంచి ఫైర్ చేసే క్రూయిజ్ క్షిప‌ణుల‌ను ప‌రీక్షించిన‌ట్లు ఉత్త‌ర కొరియా చెప్పింది. రెండు ర‌కాల క్షిప‌ణుల‌ను మిలిట‌రీ ప‌రీక్షించిన‌ట్లు ఉత్త‌ర కొరియా మీడియా పేర్కొన్న‌ది. బుధ‌వారం తూర్పు జ‌లాల్లో ఈ ప‌రీక్ష జ‌రిగిన‌ట్లు చెప్పింది. వ్యూహాత్మ‌క ఆయుధాలు.. న్యూక్లియ‌ర్ వార్‌హెడ్స్‌ను మోసుకెళ్ల‌గ‌ల‌ని ఉత్త‌ర‌కొరియా చెప్పింది. అయితే తాజా ప‌రీక్ష నిజంగా స‌బ్‌మెరైన్‌న ఉంచి జ‌రిగిందా లేక అండ‌ర్‌వాట‌ర్ టెస్ట్ ఫ్లాట్‌ఫామ్‌లో ప‌రీక్ష జ‌రిగిందా ఇంకా తెలియ‌దు.

ఈ ప‌రీక్ష‌తో త‌మ అండ‌ర్‌వాట‌ర్ యుద్ధ వ్య‌వ‌స్థ‌ను ప‌రీక్షించిన‌ట్లు స్థానిక మీడ‌యా తెలిపింది. నేవీ సామ‌ర్థ్యాన్ని పెంచుకున్న‌ట్లు చెప్పింది. ఈ ప‌రీక్ష‌ల‌పై ద‌క్షిణ కొరియా మిలిట‌రీ ఇంకా స్పందించ‌లేదు. ఇటీవ‌ల సెప్టెంబ‌ర్ 20, అక్టోబ‌ర్ 3 తేదీల్లో హైప‌ర్‌సోనిక్ క్షిప‌ణి వ్య‌వ‌స్థ‌ల‌ను ప‌రీక్షించిన‌ట్లు ఉత్త‌ర కొరియా పేర్కొన్న‌ది. అయితే ద‌క్షిణ కొరియా, జ‌పాన్ దేశాల ఆయుధాల‌కు ధీటుగా ఉండేందుకు తాజా ప‌రీక్ష‌లు చేప‌ట్టిన‌ట్లు తెలిసింది.

ఉత్త‌ర కొరియా ఇటీవ‌ల లైవ్ ఫైర్ డ్రిల్స్ చేపట్టింది. ఓ కొత్త యుద్ధ‌నౌక‌ను కూడా జ‌ల‌ప్ర‌వేశం చేయించింది. ద‌క్షిణ‌కొరియాతో స‌హ‌కారం, దౌత్యాన్నినిలిపివేస్తున్న‌ట్లు ఇటీవ‌ల కిమ్ పేర్కొన్నారు. ద‌క్షిణ కొరియాను శాశ్వ‌త శ‌త్రువుగా ప్ర‌క‌టించారు.