Elon Musk | రూ.25.31 లక్షల కోట్లకు.. ట్రంప్‌ గెలుపుతో భారీగా పెరిగిన మస్క్‌ సంపద

ప్రపంచ కుబేరుడు ఎలాన్‌ మస్క్‌ నికర సంపద విలువ శుక్రవారం రూ.25.31 లక్షల కోట్లకు చేరింది. అమెరికా అధ్యక్ష ఎన్నికల ఫలితాలు వెలువడినప్పటి నుంచి ఆయన కంపెనీ టెస్లా విలువ పెరగడంతో ఈ రికార్డు నమోదైంది.

Elon Musk | న్యూఢిల్లీ: ప్రపంచ కుబేరుడు ఎలాన్‌ మస్క్‌ నికర సంపద విలువ శుక్రవారం రూ.25.31 లక్షల కోట్లకు చేరింది. అమెరికా అధ్యక్ష ఎన్నికల ఫలితాలు వెలువడినప్పటి నుంచి ఆయన కంపెనీ టెస్లా విలువ పెరగడంతో ఈ రికార్డు నమోదైంది. ఫోర్బ్స్‌ రియల్‌ టైమ్‌ బిలియనీర్స్‌ జాబితా ఈ వివరాలను వెల్లడించింది. టెస్లా మార్కెట్‌ విలువ శుక్రవారం 1 ట్రిలియన్‌ డాలర్ల వద్ద ముగిసింది. రెండేళ్లలో ఇంత భారీ స్థాయికి చేరడం ఇదే ప్రథమం.

ఈ కంపెనీ షేర్ల విలువ 8.2 శాతం పెరిగి 321.22 డాలర్లకు చేరింది. ఈ కంపెనీ స్టాక్‌ ఈ వారం 29 శాతం లాభపడింది. 2023 జనవరి నుంచి అత్యుత్తమ పనితీరుకు నిదర్శనంగా ఈ పెరుగుదల కనిపిస్తున్నది. అమెరికా అధ్యక్ష ఎన్నికల ఫలితాల తర్వాత బాగా లాభపడినది బహుశా టెస్లా, ఆ కంపెనీ సీఈఓ ఎలాన్‌ మస్క్‌ మాత్రమేనని విశ్లేషకులు అంటున్నారు.