Muhammad Yunus | ఇది విద్యార్థుల విప్లవం.. షేక్‌ హసీనాను రాకాసితో పోల్చిన బంగ్లా తాత్కాలిక పీఎం మహమ్మద్‌ యూనస్‌

బంగ్లాదేశ్‌ తాత్కాలిక ప్రభుత్వానికి నేతృత్వం వహిస్తున్న మహమ్మద్‌ యూనస్‌, ఆ దేశంలో విద్యార్థుల నిరసనలపై ప్రశంసలు కురిపించారు. మాజీ ప్రధాని షేక్‌ హసీనాను రాకాసితో పోల్చారు. ‘విద్యార్థులు దేశంలో తెచ్చిన విప్లవంతో రాకాసిని పారదోలారు.

Muhammad Yunus | ఢాకా: బంగ్లాదేశ్‌ తాత్కాలిక ప్రభుత్వానికి నేతృత్వం వహిస్తున్న మహమ్మద్‌ యూనస్‌, ఆ దేశంలో విద్యార్థుల నిరసనలపై ప్రశంసలు కురిపించారు. మాజీ ప్రధాని షేక్‌ హసీనాను రాకాసితో పోల్చారు. ‘విద్యార్థులు దేశంలో తెచ్చిన విప్లవంతో రాకాసిని పారదోలారు. మీరు (విద్యార్థులు) సాధించింది అసమాన్యమైంది. మీరంటే నాకెంతో గౌరవం. అందుకే మీ ఆదేశాలను పాటించా’అని యూనస్‌ అన్నారు. మరోవైపు, దేశం విడిచి వెళ్లిన మాజీ ప్రధాని షేక్‌ హసీనాను తిరిగి స్వదేశానికి రప్పించే ప్రయత్నం చేస్తామని ప్రభుత్వం వెల్లడించింది.