America | అమెరికాలో కోతుల కోసం మినీ సిటీ.. ఎందుకో తెలుసా?

అమెరికాలోని జార్జియా స్టేట్‌, బెయిన్‌బ్రిడ్జ్‌ పట్టణవాసులు సేఫర్‌ హ్యూమన్‌ మెడిసిన్‌ కంపెనీపై తీవ్ర ఆగ్రహంతో రగిలిపోతున్నారు. 30 వేల కోతుల పెంపకం కేంద్రాన్ని ఏర్పాటు చేస్తామని ఈ కంపెనీ ప్రకటించడంతో ప్రజలతోపాటు జంతు హక్కుల సంఘాలు కూడా మండిపడుతున్నాయి.

America | వాషింగ్టన్‌: అమెరికాలోని జార్జియా స్టేట్‌, బెయిన్‌బ్రిడ్జ్‌ పట్టణవాసులు సేఫర్‌ హ్యూమన్‌ మెడిసిన్‌ కంపెనీపై తీవ్ర ఆగ్రహంతో రగిలిపోతున్నారు. 30 వేల కోతుల పెంపకం కేంద్రాన్ని ఏర్పాటు చేస్తామని ఈ కంపెనీ ప్రకటించడంతో ప్రజలతోపాటు జంతు హక్కుల సంఘాలు కూడా మండిపడుతున్నాయి. సుమారు 200 ఎకరాల విస్తీర్ణంలో ఈ కేంద్రాన్ని ఏర్పాటు చేస్తామని, వీటిని వైద్య రంగంలో పరిశోధనల కోసం విశ్వవిద్యాలయాలు, ఫార్మాస్యుటికల్‌ కంపెనీలకు పంపిస్తామని ఈ కంపెనీ చెప్తున్నది.

వీటి వల్ల ఈ ప్రాంతంలో వ్యాధులు ప్రబలకుండా కట్టుదిట్టమైన చర్యలు తీసుకుంటామని హామీ ఇస్తున్నది. అయినప్పటికీ స్థానికులు తీవ్ర నిరసన తెలుపుతున్నారు. దాదాపు 14,000 జనాభాగల ఈ పట్టణంలో, 30,000 కోతులు ఉండటాన్ని తాము అంగీకరించబోమని, ఈ కంపెనీని తక్షణమే నిలిపేయాలని అధికారులను డిమాండ్‌ చేస్తున్నారు.