ఆకాశం నుంచి ఎలుక‌ల వ‌ర్షం.. హ‌డ‌లెత్తిస్తున్న వైర‌ల్ వీడియో

న్యూ సౌత్ వేల్స్‌: ఆకాశం నుంచి ఎలుక‌ల వ‌ర్షం కురుస్తున్న ఒక వీడియో నెటిజ‌న్ల‌ను హ‌డ‌లెత్తిస్తున్న‌ది. రెండు రోజుల కింద‌ట‌ పోస్ట్ చేసిన ఈ వీడియో సామాజిక మాధ్య‌మాల్లో వైర‌ల్ అయింది. ఆస్ట్రేలియాను ఎలుక‌లు తెగ హ‌డ‌లెత్తిస్తున్నాయి. వాటి సంఖ్య రోజు రోజుకు పెరిగిపోతుండ‌టంతో రైతులు క‌ష్ట‌న‌ష్టాలు అనుభ‌విస్తున్నారు. న్యూ సౌత్ వేల్స్‌లోని ఒక మిల్లు గొట్టం నుంచి ఎలుక‌లు వ‌ర్షంలా ప‌డుతున్న వీడియోను ఆస్ట్రేలియన్ బ్రాడ్‌కాస్టింగ్ కార్పొరేషన్ జర్నలిస్ట్ లూసీ థాక్రే త‌న ట్విట్ట‌ర్‌లో మంగ‌ళ‌వారం పోస్ట్ చేశారు. ధాన్యం నిల్వ ఉంచిన చోటు నుంచి వ‌చ్చే గొట్టం యంత్రాన్ని శుభ్ర‌ప‌రుస్తుండ‌గా అందులో నుంచి ఎలుక‌లు కుప్ప‌లుగా గాల్లోంచి కింద‌ప‌డ్డాయి. ఇందులో కొన్ని చ‌నిపోగా మ‌రికొన్ని బ‌తికే ఉన్నాయి.

మ‌రోవైపు జ‌ర్న‌లిస్ట్ లూసీ పోస్ట్ చేసిన ఈ వీడియో సోష‌ల్ మీడియాలో వైర‌ల్ అయింది. ఎలుక‌ల వ‌ర్షాన్ని చూసి నెటిజ‌న్లు హ‌డ‌లిపోయారు. ఇలాంటిది తామెప్పుడు చూడ‌లేద‌ని కొంద‌రు కామెంట్ చేశారు. ఆస్ట్రేలియాలోని రైతుల ధైన్య‌స్థితికి ఇది అద్దం ప‌డుతున్న‌ద‌ని అన్నారు.

కాగా, ఎలుక‌ల నుంచి వ్యాపించే వ్యాధుల‌తో అనారోగ్యం బారిన ప‌డుతున్నామ‌ని, వీటి వ‌ల్ల‌ సంభ‌వించిన క‌రువును ప్రకృతి విప‌త్తుగా గుర్తించి త‌మకు ఆర్థిక స‌హాయం చేయాల‌ని స్థానిక ప్ర‌భుత్వాన్ని న్యూ సౌత్ వేల్స్ రైతులు కోరుతున్నారు.

https://twitter.com/LucyThack/status/1392315030012522497?s=20