తైవాన్‌ అధ్యక్షుడిగా లై

తైవాన్‌ నూతన అధ్యక్షుడిగా లై చింగ్‌-తే (64) సోమవారం బాధ్యతలు చేపట్టారు. గత నాలుగేండ్లపాటు తైవాన్‌ ఉపాధ్యక్షుడిగా పనిచేసిన ఆయన.. త్సై ఇంగ్‌-వెన్‌ నుంచి అధ్యక్ష బాధ్యతలు స్వీకరించారు.

• ‘వేర్పాటువాది’గా పరిగణిస్తున్న చైనా

తైపీ: తైవాన్‌ నూతన అధ్యక్షుడిగా లై చింగ్‌-తే (64) సోమవారం బాధ్యతలు చేపట్టారు. గత నాలుగేండ్లపాటు తైవాన్‌ ఉపాధ్యక్షుడిగా పనిచేసిన ఆయన.. త్సై ఇంగ్‌-వెన్‌ నుంచి అధ్యక్ష బాధ్యతలు స్వీకరించారు. జపాన్‌ వలసరాజ్య కాలంలో సెంట్రల్‌ తైపీలో నిర్మించిన అధ్యక్ష కార్యాలయంలో లై ప్రమాణ స్వీకారం చేశారు. తైవాన్‌ను ఆక్రమించుకునేందుకు ప్రయత్నిస్తున్న చైనాను నిలువరించడం ఆయన ముందున్న ప్రధాన సవాళ్లలో ఒకటి.

తైవాన్‌ సార్వభౌమాధికార దేశంగా కొనసాగడంపై ఆగ్రహంతో రగిలిపోతున్న చైనా లైని వేర్పాటువాదిగా పరిగణిస్తున్నది. కానీ, తైవాన్‌ అధ్యక్షునిగా లై తన తొలి ప్రసంగంలోనే చైనా పట్ల సుహృద్భావాన్ని వ్యక్తం చేశారు. చైనాతో శాంతిని కోరుకుంటున్నట్టు తెలిపారు. స్వయంపాలనతో ముందుకు సాగుతున్న తైవాన్‌పై సైనిక బెదిరింపులను ఆపాలని చైనాకు విజ్ఞప్తి చేశారు. తైవాన్‌ జలసంధికి ఇరువైపులా శాంతిని కొనసాగించాలని పిలుపునిచ్చారు.