Kanye and Kim Divorce | ప్రముఖ రాపర్ కాన్యే వెస్ట్-నటి కిమ్ కర్దాషియాన్ విడాకులు ఖరారయ్యాయి. చైల్డ్ సపోర్ట్గా కిమ్కు కాన్యే పెద్ద మొత్తంలో డబ్బు ప్రతి నెలా చెల్లించాల్సి ఉంటుంది. ఈ జంటకు నలుగురు పిల్లలు ఉన్నారు. కాన్యే వెస్ట్-కిమ్ కార్దాషియాన్ జంట 2014 లో ఇటలీలో అంగరంగ వైభవంగా పెండ్లి చేసుకున్నారు. కాన్యే నుంచి గత ఏడాది ఫిబ్రవరిలో విడాకుల కోసం కిమ్ పిటిషన్ దాఖలు చేసింది.
పీపుల్ మ్యాగజైన్ ప్రకారం.. కాన్యే-కిమ్ జంట విడాకులు ఫైనల్ అయ్యాయి. వీరి మధ్య కుదిరిన ఒప్పందం ప్రకారం పిల్లల సంరక్షణ కోసం కాన్యే ప్రతి నెలా కిమ్కు 2 లక్షల డాలర్లు చెల్లించాల్సి ఉంటుంది. గత ఏడాది చట్టబద్ధంగా తన పేరును యేగా మార్చుకున్న కాన్యే వెస్ట్తో సరిదిద్దుకోలేని విభేదాలను ఎదుర్కొంటున్నట్లు తన విడాకుల పిటిషన్లో కిమ్ తెలిపింది. కోర్టు వెలుపల మధ్యవర్తిత్వం ద్వారా వివాదాన్ని పరిష్కరించుకునేందుకు ఇద్దరూ అంగీకరించారు. దాంతో వీరి మధ్య ఎంఓయూ కుదిరింది. ఈ సెటిల్మెంట్ ప్రకారం, యే అంగీకరించిన మొత్తాన్ని ప్రతి నెల ఒకటో తేదీన కిమ్ అకౌంట్లో జమ చేయాలి. పిల్లల విద్య, వైద్యం, భద్రత ఖర్చుల్లో సగానికి పైగా చెల్లించాలని అగ్రిమెంట్లో రాసుకున్నారు.
మారిటల్ స్టాటస్ను మార్చుకోవడానికి కోర్టు అనుమతించిన తర్వాత చట్టబద్ధంగా ఒంటరిగా ఉంటున్నట్లు కిమ్ ప్రకటించింది. ఇది జరిగిన 9 నెలల తర్వాత ఆమె విడాకుల కేసు పరిష్కారమైంది. 2012 నుంచి డేటింగ్లో ఉన్న ఈ జంట.. పెద్ద కుమార్తె ‘నార్త్’ పుట్టిన కొద్ది నెలలకు వివాహం చేసుకున్నారు. అమెరికా అధ్యక్ష ఎన్నికల్లో పోటీ చేస్తున్నట్లు ప్రకటించిన తర్వాత 2020 లో వీరి వైవాహిక జీవితంలో ఇబ్బందులు మొదలయ్యాయి.