Deepfake Videos: ఇట‌లీ ప్ర‌ధానిపై డీప్‌ఫేక్ వీడియో.. ల‌క్ష యూరోల‌ న‌ష్ట‌ప‌రిహారం కోరిన జార్జియా మెలోనీ

Deepfake Videos: డీప్‌ఫేక్ వీడియోల‌ను క్రియేట్ చేసిన కేసులో ఇట‌లీ ప్ర‌ధాని జార్జియా మెలోనీ ల‌క్ష యూరోల న‌ష్ట‌ప‌రిహారాన్ని కోరారు. ప్ర‌ధానికి చెందిన డీప్‌ఫేక్ పోర్న్ క్లిప్‌లు ప్ర‌స్తుతం ఇంట‌ర్నెట్‌లో వైర‌ల్ అవుతున్నాయి. ఆ కేసులో ఇద్ద‌ర్ని అదుపులోకి తీసుకున్నారు.

రోమ్‌: ఇట‌లీ ప్ర‌ధాని జార్జియా మెలోనీపై డీప్‌ఫేక్ వీడియోల‌(Deepfake Videos)ను రూపొందించారు. ఆ వీడియోలు ఆన్‌లైన్‌లో వైర‌ల్ అయ్యాయి. ఆ కేసులో ప్ర‌ధాని జార్జియా ల‌క్ష యూరోల న‌ష్ట‌ప‌రిహారాన్ని కోరారు. జార్జియాకు చెందిన డీప్‌ఫేక్ పోర్న్ వీడియోల‌ను ఇద్ద‌రు వ్య‌క్తులు క్రియేట్ చేశారు. వాటిని ఇంట‌ర్నెట్‌లో అప్‌లోడ్ చేశారు. ఆ కేసులో 40 ఏళ్ల వ్య‌క్తితో పాటు అత‌ని 73 ఏళ్ల తండ్రిని అరెస్టు చేశారు.

స్మార్ట్‌ఫోన్ ఆధారంగా ఆ ఇద్ద‌రూ వీడియోల‌ను అప్‌లోడ్ చేశార‌ని, వాళ్ల‌ను ట్రాక్ చేసిన‌ట్లు పోలీసులు చెప్పారు. ఇట‌లీ ప్ర‌ధానిగా జార్జియా నియామ‌కం కాక‌ముందే.. 2022లో ఆ డీప్‌ఫేక్ వీడియోల‌ను క్రియేట్‌ చేశారు. ఇట‌లీలో న‌ష్ట‌ప‌రిహారం కేసుల‌ను నేరాభియోగ కేసులుగా గుర్తిస్తారు. ఆ కేసుల్లో నిందితుల‌కు జైలుశిక్ష కూడా విధిస్తారు. జూలై 2వ తేదీన ఈ కేసులో మెలోనీ కోర్టు ముందు హాజ‌రుకానున్నారు.

అమెరికాలోని పోర్న్ వెబ్‌సైట్ల‌లో ఆ వీడియోలు అప్‌లోడ్ అయ్యాయ‌ని, వాటిని ల‌క్ష‌లాది మంది వీక్షించార‌ని మెలోనీ ఫిర్యాదులో పేర్కొన్నారు. మెలోనీ త‌న‌కు వ‌చ్చే న‌ష్ట‌ప‌రిహారాన్ని మ‌హిళ‌ల స‌పోర్టు కోసం ఖ‌ర్చు చేయ‌నున్న‌ట్లు ఆమె త‌ర‌పున లీగ‌ల్ టీమ్ తెలిపింది.