అవినీతి కేసుల్లో అధ్యక్షుడిని క్షమాభిక్ష కోరిన నెతన్యాహు

ఇజ్రాయెల్‌ ప్రధాని నెతన్యాహు తనపై సుదీర్ఘకాలంగా ఉన్న అవినీతి కేసుల్లో ఆ దేశ అధ్యక్షుడి నుంచి క్షమాభిక్ష కోరారు. ఈమేరకు ఆదివారం ఇజ్రాయెల్‌ ప్రధాని కార్యాలయం ఒక ప్రకటన విడుదల చేసింది.

జెరూసలేం, నవంబర్‌ 30 : ఇజ్రాయెల్‌ ప్రధాని నెతన్యాహు తనపై సుదీర్ఘకాలంగా ఉన్న అవినీతి కేసుల్లో ఆ దేశ అధ్యక్షుడి నుంచి క్షమాభిక్ష కోరారు. ఈమేరకు ఆదివారం ఇజ్రాయెల్‌ ప్రధాని కార్యాలయం ఒక ప్రకటన విడుదల చేసింది. దీని ప్రకారం, దేశ అధ్యక్షుడు ఐజాక్‌ హెర్జోగ్‌ నుంచి క్షమాభిక్ష కోరుతూ నెతన్యాహు అధికారికంగా అప్పీల్‌ చేసుకున్నారు.

ఈ విషయంపై ఇజ్రాయెల్‌ అధ్యక్షుడు ఐజాక్‌ హెర్జోగ్‌కు డొనాల్డ్‌ ట్రంప్‌ లేఖ రాసిన కొద్ది నెలల్లోనే ఈ పరిణామం చోటుచేసుకోవటం గమనార్హం. అయితే ప్రధాని నెతన్యాహు అభ్యర్థన ‘చిక్కులతో కూడిన అసాధారణమైనది’గా అధ్యక్ష కార్యాలయం పేర్కొన్నది.