జెరూసలెం : ఇజ్రాయెల్పై ఉగ్ర సంస్ధ హమాస్ మెరుపు దాడుల నేపధ్యంలో ఇజ్రాయెల్ రక్షణ దళాల (IDF) ప్రతినిధి రేర్ అడ్మిరల్ డేనియల్ హగరి తీవ్ర వ్యాఖ్యలు చేశారు. హమాస్ దాడిని ఆయన యుద్ధ నేరంగా అభివర్ణించారు. యుద్ధ నేరంలో పాలుపంచుకున్న వారు భారీ మూల్యం చెల్లించకతప్పదని హెచ్చరించారు.
ఇజ్రాయెల్ రక్షణ బలగాలు ట్విట్టర్లో హగరి వీడియో స్టేట్మెంట్ను పోస్ట్ చేశారు. హమాస్ భీకర దాడి యుద్ధ నేరం. మహిళలు, చిన్నారులను బందీలుగా తీసుకోవడం అంతర్జాతీయ చట్టాలకు విరుద్ధమే కాకుండా ఇస్లాంకు వ్యతిరేకమైనదని ఆక్షేపించారు. ఈ నేరంలో పాల్గొన్నవారంతా మూల్యం చెల్లించుకోకతప్పదు. ఈ యుద్ధం సంక్లిష్టమైనదని, రాబోయే రోజులు సవాళ్లతో కూడుకున్నవని చెప్పుకొచ్చారు.
ఇజ్రాయెల్ భద్రతా బలగాలు (ఐడీఎఫ్) అత్యంత శక్తివంతమైనవని, తన సత్తాను చాటేందుకు అవి సర్వశక్తులు ఒడ్డుతాయని పేర్కొన్నారు. ఇక ఇజ్రాయెల్, పాలస్తీనా మిలిటెంట్ గ్రూప్ హమాస్ (Israel-Hamas war) మధ్య భీకర దాడులు కొనసాగుతున్నాయి. గాజా స్ట్రిప్ సమీపంలో ఇజ్రాయెల్పై హమాస్ దాడుల్లో ఇజ్రాయెల్ వైపున ఇప్పటివరకూ 400 మందికి పైగా మరణించారు. దాడుల్లో పెద్దసంఖ్యలో సైనికులు, పోలీసులు, ప్రజలు ప్రాణాలు కోల్పోయారని టైమ్స్ ఆఫ్ ఇజ్రాయెల్ వెల్లడించింది.
Read More :