Oil Tanker | ప్రతీకారంతో రగులుతున్న ఇరాన్‌.. ఒమన్‌ తీరంలో చమురు నౌకపై దాడి

Oil Tanker | ఒమన్‌ (Oman) తీరంలో చమురు నౌక (Oil Tanker) పై ఇరాన్‌ దాడి చేసింది. అమెరికా, ఇజ్రాయెల్‌లు సంయుక్తంగా ఇరాన్‌పై దాడులు చేసి సుప్రీం లీడర్ అయతుల్లా అలీ ఖమేనీని హత్య చేయడానికి ప్రతీకారంగా ఈ దాడులకు పాల్పడుతోంది

Oil Tanker : ఒమన్‌ (Oman) తీరంలో చమురు నౌక (Oil Tanker) పై ఇరాన్‌ దాడి చేసింది. అమెరికా, ఇజ్రాయెల్‌లు సంయుక్తంగా ఇరాన్‌పై దాడులు చేసి సుప్రీం లీడర్ అయతుల్లా అలీ ఖమేనీని హత్య చేయడానికి ప్రతీకారంగా ఈ దాడులకు పాల్పడుతోంది. ఈ ప్రతీకార దాడుల్లో భాగంగానే చమురు నౌకపై దాడి జరిగింది.

ఒమన్ తీరానికి సమీపంలోని హార్ముజ్ జలసంధి గుండా వెళ్తున్న చమురు నౌకపై ఇరాన్ దాడి చేసింది. పలావు జెండాతో ఉన్న చమురు నౌక ఒమన్‌లోని ముసాండం ద్వీపకల్పాన్ని దాటుతుండగా దాడి జరిగింది. ఈ దాడిలో కనీసం నలుగురు గాయపడినట్లు ఒమన్ సముద్ర భద్రతా కేంద్రం తెలిపింది. కాగా హార్ముజ్ జలసంధి ప్రపంచ చమురు రవాణాకు ఒక వ్యూహాత్మక మార్గం.