గూగుల్‌కు 750 కోట్ల భారీ జరిమానా

మాస్కో: టెక్‌ దిగ్గజం గూగుల్‌కు రష్యాలోని ఓ కోర్టు దాదాపు రూ.750 కోట్ల జరిమానా విధించింది. స్థానిక చట్టాలు నిషేధించిన సమాచారాన్ని గూగుల్‌ తొలగించకపోవడంతో ఈ జరిమానా విధిస్తున్నట్టు కోర్టు తెలిపింది. దీనిపై స్పందించిన గూగుల్‌ కోర్టు తీర్పును పూర్తిగా అధ్యయనం చేసిన తర్వాత ఎలా ముందుకు వెళ్లాలో ఆలోచిస్తామని వెల్లడించింది. కాగా ఇటీవల కాలంలో రష్యా అధికారులు సోషల్‌ మీడియా సంస్థలపై ఉక్కుపాదం మోపుతున్నారు. ముఖ్యంగా డ్రగ్స్‌, ఆయుధాలు తదితర సమాచారాన్ని నియంత్రించడంలో ఈ సంస్థలు విఫలమవుతున్నట్టు ఆరోపిస్తున్నారు.