దిగ్బంధంలో గాజా

హమాస్‌ పాలనలో ఉన్న గాజా స్ట్రిప్‌ ఇజ్రాయెల్‌-హమాస్‌ మధ్య యుద్ధం కారణంగా దిగ్బంధంలో చిక్కుకున్నది. అత్యంత జనసాంద్రత ఉండే గాజాలో 362 చదరపు కిలోమీటర్ల ప్రాంతంలోనే సుమారుగా 20 లక్షల మంది నివసిస్తున్నారు.

• బిక్కుబిక్కుమంటున్న 20 లక్షల మంది

గాజా, అక్టోబర్‌ 8: హమాస్‌ పాలనలో ఉన్న గాజా స్ట్రిప్‌ ఇజ్రాయెల్‌-హమాస్‌ మధ్య యుద్ధం కారణంగా దిగ్బంధంలో చిక్కుకున్నది. అత్యంత జనసాంద్రత ఉండే గాజాలో 362 చదరపు కిలోమీటర్ల ప్రాంతంలోనే సుమారుగా 20 లక్షల మంది నివసిస్తున్నారు. రెండు దేశాలు జల, వాయు, గగనతలాల్లో ఆయుధాలను మోహరించడంతో ఇప్పుడు వారంతా బిక్కుబిక్కుమంటు ప్రాణాలు అరచేతిలో పెట్టుకొని జీవిస్తున్నారు. ఎటునుంచి మృత్యువు వస్తుందో తెలియక చావు భయంతో నరకయాతన అనుభవిస్తున్నారు. గాజాకు తూర్పు, ఉత్తర భాగాల్లో ఇజ్రాయెల్‌, దక్షిణాన ఈజిప్టు, పశ్చిమ భాగంలో మధ్యదరా సము ద్రం సరిహద్దులుగా ఉన్నాయి. యుద్ధం కారణంగా ఇరుదేశాలు జల, వాయు, భూ దిగ్బంధాన్ని విధించాయి. దీంతో గాజా వాసులు ఎటువెళ్లలేని పరిస్థితి నెలకొంది. గతంలో 2005-06లో తాత్కాలికంగా, 2007లో శాశ్వతంగా ఇలా గాజా దిగ్బంధంలో చిక్కుకుంది. కాగా, 2007లో గాజాను హస్తగతం చేసుకున్న నాటి నుంచి ఈ 15 ఏండ్లలో ఇజ్రాయెల్‌పై హమాస్‌ ఐదుసార్లు దాడులకు దిగింది.