Israel War | చిన్నారులకు మరుభూమిలా గాజా..! ఆందోళన వ్యక్తం చేసిన యూఎన్‌ చీఫ్‌ గుటెర్రెస్‌

Israel War | ఇజ్రాయెల్‌, హమాస్‌ మధ్య యుద్ధం కొనసాగుతున్నది. ఈ యుద్ధం మొదలై నెలరోజులు కావొస్తున్నది. హయాస్‌ ప్రారంభించిన అనధికారిక యుద్ధం ఇప్పటికీ ఆగిపోయే పరిస్థితుతుల కనిపించడం లేదు. దాదాపు 11వేల మందికిపైగా ప్రాణాలు కోల్పోయారు.

Israel War | ఇజ్రాయెల్‌, హమాస్‌ మధ్య యుద్ధం కొనసాగుతున్నది. ఈ యుద్ధం మొదలై నెలరోజులు కావొస్తున్నది. హయాస్‌ ప్రారంభించిన అనధికారిక యుద్ధం ఇప్పటికీ ఆగిపోయే పరిస్థితుతుల కనిపించడం లేదు. దాదాపు 11వేల మందికిపైగా ప్రాణాలు కోల్పోయారు. ఇజ్రాయెల్‌ ప్రతిదాడులతో గాజా స్ట్రిప్‌లో పరిస్థితి మరింత దిగజారుతున్నది. ఈ క్రమంలో గాజాలోని పరిస్థితులపై ఐక్యరాజ్య సమితి సెక్రటరీ జనరల్‌ ఆంటోనియో గుటెర్రెస్‌ ఆందోళన వ్యక్తం చేశారు. గాజా చిన్నారులకు శ్మశాన వాటికలా మారుతోందన్నారు. గాజా పరిస్థితి మానవతా సంక్షోభం కంటే ఎక్కువ అని.. ఇది మానవత్వం సంక్షోభమన్నారు.

కాల్పుల విరమణ అవసరమని.. ప్రతి గంటకు మరింత అత్యవసరమని పేర్కొన్నారు. అంతర్జాతీయ సమాజం గాజాలో అమానవీయ ఘటనలను ఆపాలని, అలాగే మానవతా సహాయాన్ని విస్తరించాల్సిన బాధ్యత ఉందన్నారు. ఇజ్రాయెల్‌ – హమాస్‌ యుద్ధం ప్రారంభమైనప్పటి నుంచి యూఎన్‌ రిలీఫ్‌ అండ్‌ వర్క్స్‌ ఏజెన్సీ ఫర్‌ పాలస్తీనా శరణార్థుల (UNRWA) కోసం పనిచేస్తున్న 89 మంది మరణించారని యూఎన్‌ చీఫ్‌ ఆవేదన వ్యక్తం చేశారు. యూఎన్‌ చరిత్రలో ఇటీవల వారాల్లో అత్యధిక సంఖ్యలో యూఎన్‌ కార్యకర్తలు చంపబడ్డారన్నారు. యుద్ధంలో కనీసం 26 మంది వరకు గాయపడ్డారని, మరికొందరు గల్లంతయ్యారని పేర్కొన్నారు. ఈ సందర్భంగా ఆయన మృతుల కుటుంబాలకు ఆయన సంతాపం ప్రకటించారు.