నెవడా: అమెరికాలోని నెవడాలో జరుగుతున్న రీనో ఎయిర్ రేస్ షోలో విషాదం చోటుచేసుకుంది. ఫైనల్స్ కోసం పోటీపడుతున్న ఓ జెట్ విమానం.. అదుపు తప్పి నేలపై కుప్పకూలింది. కూలిన సమయంలో భారీ స్థాయిలో మంటలు వ్యాపించాయి. విమాన భాగాలు చెల్లాచెదురుగా పడిపోయాయి. దీనికి సంబంధించిన వీడియో రిలీజైంది. జెట్ విమానం నేలను తాకిన తర్వాత అగ్నిగోళం తరహాలో దట్టమైన మంటలు వ్యాపించాయి. రీనో ఎయిర్ రేస్లో భాగంగా చివరి రోజు జరుగుతున్న చాంపియన్షిప్ రౌండ్లో ఈ ప్రమాదం జరిగింది. జెట్ గోల్డ్ రేస్లోని మూడవ ల్యాప్ జరుగుతున్నప్పుడు జెట్ కూలింది. ఈ ఘటనలో ఆ జెట్ విమాన పైలట్ మృతిచెందాడు. జెట్ పేలిన ఘటన తర్వాత ఆ రేస్కు సంబంధించిన ఈవెంట్లను రద్దు చేశారు.