ebay | ‘ఈబే’లో 1000 మంది ఉద్యోగులపై వేటు.. కారణం అదేనని ప్రకటన

కాలిఫోర్నియాకు చెందిన మల్టీనేషనల్‌ ఆన్‌లైన్‌ రిటైల్‌ కంపెనీ ‘ఈబే’ పెద్ద ఎత్తున ఉద్యోగాల తొలగింపునకు తెరలేపింది. సంస్థలోని వివిధ విభాగాల్లో పనిచేస్తున్న 1000 మంది ఉద్యోగుల్ని తొలగిస్తున్నట్టు ప్రకటించింది. ఉద్యోగుల వేతనాల బిల్లు, కంపెనీ వ్యవహారాల ఖర్చు.. వ్యాపారానికి మించి ఉండటం, మరోవైపు ఆర్థికమాంద్యం పరిస్థితుల కారణంగా లే ఆఫ్‌ ప్రకటించక తప్పటం లేదని కంపెనీ వర్గాలు చెబుతున్నాయి.

ebay | లండన్‌, జనవరి 24: కాలిఫోర్నియాకు చెందిన మల్టీనేషనల్‌ ఆన్‌లైన్‌ రిటైల్‌ కంపెనీ ‘ఈబే’ పెద్ద ఎత్తున ఉద్యోగాల తొలగింపునకు తెరలేపింది. సంస్థలోని వివిధ విభాగాల్లో పనిచేస్తున్న 1000 మంది ఉద్యోగుల్ని తొలగిస్తున్నట్టు ప్రకటించింది. ఉద్యోగుల వేతనాల బిల్లు, కంపెనీ వ్యవహారాల ఖర్చు.. వ్యాపారానికి మించి ఉండటం, మరోవైపు ఆర్థికమాంద్యం పరిస్థితుల కారణంగా లే ఆఫ్‌ ప్రకటించక తప్పటం లేదని కంపెనీ వర్గాలు చెబుతున్నాయి.

ఈ మేరకు కంపెనీ సీఈవో జామి లాన్నోన్‌ నుంచి సంస్థ ఉద్యోగులకు సందేశాలు వెళ్లాయి. జూమ్‌ కాల్స్‌లో ఆయా ఉద్యోగులకు లే ఆఫ్‌ సమాచారాన్ని టీమ్‌ లీడర్లు, వివిధ విభాగాల బాస్‌లు అందజేస్తున్నారని లాన్నోన్‌ చెప్పారు. కొవిడ్‌-19 సంక్షోభం సమయంలో ప్రపంచవ్యాప్తంగా ప్రజలు పెద్ద ఎత్తున ఆన్‌లైన్‌ లావాదేవీలు జరిపారు. దీంతో ఆయా టెక్‌ కంపెనీలు తమ సిబ్బందిని పెంచాయి. ఇప్పుడు తమ లాభాల మార్జిన్‌ను పెంచుకునేందుకు గూగుల్‌, అమెజాన్‌, ఇన్ఫోసిస్‌, మైక్రోసాఫ్ట్‌, టిక్‌టాక్‌ .. కంపెనీలు లే ఆఫ్‌లు ప్రకటిస్తున్నాయి. ఈ ఏడాది ఆరంభంలోనే వాయిస్‌ అసిస్టెంట్‌, ఇంజినీరింగ్‌ విభాగాల్లో పనిచేస్తున్న వందల మందిని గూగుల్‌ తొలగించిన విషయం తెలిసిందే.