భవనాలు కట్టే డ్రోన్‌!

సివిల్‌ ఇంజినీరింగ్‌ రంగంలో సరికొత్త అధ్యాయానికి శాస్త్రవేత్తలు తెరలేశారు. భవనాలు నిర్మించేందుకు డ్రోన్‌ ఆధారిత 3డీ ప్రింటర్‌ను రూపొందించారు. అవి గాలిలో చక్కర్లు కొడుతూనే సిమెంట్‌, ఇటుక, కంకర వంటి పదార్థాలను సరైన ప్రాంతంలో వేస్తూ, అవి కొలతలకు తగ్గట్టు ఉన్నాయో

లండన్‌, సెప్టెంబర్‌ 23: సివిల్‌ ఇంజినీరింగ్‌ రంగంలో సరికొత్త అధ్యాయానికి శాస్త్రవేత్తలు తెరలేశారు. భవనాలు నిర్మించేందుకు డ్రోన్‌ ఆధారిత 3డీ ప్రింటర్‌ను రూపొందించారు. అవి గాలిలో చక్కర్లు కొడుతూనే సిమెంట్‌, ఇటుక, కంకర వంటి పదార్థాలను సరైన ప్రాంతంలో వేస్తూ, అవి కొలతలకు తగ్గట్టు ఉన్నాయో, లేదో తనిఖీ చేస్తూ ఎత్తైన భవనాలను నిర్మిస్తాయి. దీన్ని లండన్‌కు చెందిన ఇంపీరియల్‌ కాలేజ్‌, స్విట్జర్లాండ్‌కు చెందిన ఎంపా శాస్త్రవేత్తలు అభివృద్ధి చేశారు.

ఈ ప్రాజెక్టు కోసం శాస్త్రవేత్తలు 3డీ ప్రింటింగ్‌, పాత్‌ ప్లానింగ్‌ ఫ్రేమ్‌ వర్క్‌ టెక్నాలజీలను వాడారు. ప్రాజెక్టులో రెండు డ్రోన్లు ఉంటాయి. ఒక డ్రోన్‌.. నిర్మాణ పదార్థాలతో గోడలు కట్టేదాన్ని బిల్‌ డ్రోన్‌ అంటారు. ఇంకో డ్రోన్‌.. బిల్‌ డ్రోన్‌ కట్టే నిర్మాణాలు సరిగ్గా ఉన్నాయో లేదో తనిఖీ చేస్తుంది. దీని పేరు స్కాన్‌ డ్రోన్‌. ఈ రెండు డ్రోన్ల సహాయంతో 3డీ ప్రింటర్‌ను ఉపయోగించి ఇన్సులేషన్‌ ఫోమ్‌తో 72 లేయర్లతో, 2 మీటర్ల ఎత్తు వరకు ఒక స్థూపాకారాన్ని శాస్త్రవేత్తలు నిర్మించారు. అననుకూల ప్రాంతాల్లో భవనాల నిర్మాణానికి ఈ టెక్నాలజీ ఉపయోగపడుతుందన్నారు.