అబార్షన్‌ మాత్రలకు అమెరికాలో గిరాకీ

అమెరికాలో అత్యవసర గర్భ విచ్ఛిత్తి మాత్రలకు హఠాత్తుగా డిమాండ్‌ ఏర్పడింది.

• ట్రంప్‌ అధికారంలోకి రావడం వల్లే..

న్యూయార్క్‌, నవంబర్‌ 12: అమెరికాలో అత్యవసర గర్భ విచ్ఛిత్తి మాత్రలకు హఠాత్తుగా డిమాండ్‌ ఏర్పడింది. అమెరికా అధ్యక్షుడిగా డొనాల్డ్‌ ట్రంప్‌ ఎన్నికైన 24 గంటల వ్యవధిలో గర్భ విచ్ఛిత్తి మాత్రల ప్రధాన సరఫరాదారులలో ఒకరైన ఎయిడ్‌ యాక్సెస్‌కు గత 24 గంటల్లో ఈ మాత్రల కోసం 10 వేలకు పైగా విజ్ఞప్తులు వచ్చినట్టు వాషింగ్టన్‌ పోస్ట్‌ వెల్లడించింది.

ఇది సాధారణంగా ప్రతిరోజు వచ్చే వాటికన్నా 17 రెట్లు అధికం. ట్రంప్‌ అధికారంలోకి వస్తే అబార్షన్‌ హక్కును రద్దు చేస్తారంటూ పెద్దయెత్తున ప్రచారం జరగడంతో వీటికి విపరీతమైన డిమాండ్‌ పెరిగింది. గర్భం దాల్చని వారు సైతం ఈ గర్భవిచ్ఛిత్తి మాత్రల కోసం ఎగబడటం విశేషం.