Paid Leave: కంపెనీ ల‌క్కీ డ్రాలో 365 రోజుల‌ పెయిడ్ లీవ్ గెలిచిన ఉద్యోగి

Paid Leave: మీ కంపెనీ కూడా ఇలాంటి ప్రైజ్ ఇవ్వాల‌ని ఆశ‌ప‌డుతున్నారా. ఈ చైనా వ్య‌క్తిని చూస్తే అదే ఈర్ష్య క‌లుగుతుందేమో. వ‌ర్క్ టెన్ష‌న్ నుంచి త‌ప్పుకోవాలంటే.. ఇలాంటి ల‌క్కీ డ్రాలు అవ‌స‌ర‌మే. 365 రోజుల పెయిడ్ లీవ్ గెలిచిన వ్య‌క్తి ఇప్పుడు చైనాలో ఓ హాట్ టాపిక్‌గా మారాడు.

షెన్‌జెన్‌: చైనాలోని ఓ కంపెనీ బంప‌ర్ ఆఫ‌ర్ ఇచ్చింది. ఆ కంపెనీ నిర్వ‌హించిన ల‌క్కీ డ్రాలో.. ఓ ఉద్యోగి 365 రోజుల పెయిడ్ లీవ్‌(Paide Leave)ను గెలిచాడు. ఈ ఘ‌ట‌న చైనాలోని షెన్‌జెన్(Shenzhen) న‌గ‌రంలో జ‌రిగింది. ప్ర‌స్తుతం ఆ దేశ సోష‌ల్ మీడియాలో ఆ వ్య‌క్తి వైర‌ల్ అవుతున్నాడు. ఆ ఘ‌ట‌న గురించి వివ‌రాలు తెలుసుకుందాం.

క‌రోనా వ‌ల్ల గ‌త మూడేళ్ల నుంచి ఉద్యోగులు తీవ్ర వ‌త్తిడిలో ఉన్నారు. ఆ స్ట్రెస్ నుంచి బ‌య‌ట‌ప‌డేందుకు ఓ కంపెనీ త‌మ ఉద్యోగులకు డిన్న‌ర్ పార్టీ ఇచ్చింది. ఆ పార్టీలో ల‌క్కీ డ్రా నిర్వ‌హించారు. ఆ డ్రాను చెన్ అనే ఉద్యోగి గెలుచుకున్నాడు. 365 రోజులు అంటే ఓ ఏడాది పాటు అతనికి పెయిడ్ లీవ్ ఇస్తున్న‌ట్లు ఆ కంపెనీ చెప్పింది.

男子在公司年会抽到“365天带薪休假”奖项 pic.twitter.com/aOaSxgBAtO

— The Scarlet Flower (@niaoniaoqingya2) April 12, 2023

పెయిడ్ లీవ్ గెలిచిన వ్య‌క్తికి భారీ చెక్‌ను ప్ర‌జెంట్ చేశారు. ఆ చెక్‌పై 365 డేస్ పెయిడ్ లీవ్ అని రాసి ఉంది. ఉద్యోగుల్లో వ‌ర్క్ ప్రెజ‌ర్ త‌గ్గించేందుకు ఆ కంపెనీ ఈ నిర్ణ‌యం తీసుకున్న‌ట్లు తెలుస్తోంది. కొంద‌రికి ఒక‌టి లేదా రెండు రోజుల ఎక్స్‌ట్రా పెయిడ్ టైమ్ ఇచ్చారు. ప్రైజ్ గెలిచిన ఉద్యోగి పెయిడ్ లీవ్ వాడుకుంటాడా లేక డ‌బ్బులు ఎన్‌క్యాష్ చేసుకుంటాడా అన్న విష‌యం ఇంకా తెలియ‌దు.

ఇంత పెద్ద స్టంట్ చేసిన ఆ కంపెనీ వివ‌రాలు బ‌య‌ట‌కు రాలేదు. కానీ ఆ వ్య‌క్తిపై మాత్రం అంద‌రిలో అసూయ పెరుగుతోంద‌ని సోష‌ల్ మీడియా కామెంట్లు చెబుతున్నాయి. ఒక‌వేళ ఆ ఉద్యోగి నిజంగా పెయిడ్ లీవ్ తీసుకుంటే, ఏడాది త‌ర్వాత అత‌ని పోస్టులో మ‌రో వ్య‌క్తి ఉంటాడ‌ని ఓ వ్య‌క్తి కామెంట్ చేశాడు.