‘క్యాపిటల్‌’ వద్ద కారు బీభత్సం

ఒక పోలీసు మృతి.. మరొకరికి గాయాలు
పోలీసుల కాల్పుల్లో నిందితుడు హతం: అమెరికాలో కలకలం

వాషింగ్టన్‌, ఏప్రిల్‌ 3: అమెరికా చట్టసభల వేదిక అయిన వాషింగ్టన్‌లోని క్యాపిటల్‌ హిల్‌ భవనం వద్ద మరోసారి కలకలం రేగింది. భవనం ఆవరణలోని భద్రతా సిబ్బందిపైకి ఓ దుండగుడు కారుతో దూసుకువచ్చిన ఘటనలో ఓ పోలీసు అధికారి మరణించగా.. మరొకరు గాయపడ్డారు. శుక్రవారం మధ్యాహ్నం భవనం వద్ద భద్రతను పర్యవేక్షిస్తున్న పోలీసులపైకి ఓ కారు దూసుకువచ్చింది. అనంతరం చేతిలో కత్తిని పట్టుకుని నిందితుడు కారు నుంచి దిగి పోలీసుల మీదకు దూసుకువచ్చాడు. ఈ క్రమంలో పోలీసులు జరిపిన కాల్పుల్లో మరణించాడు. నిందితుడిని 25 ఏండ్ల నోహ్‌ గ్రీన్‌గా గుర్తించారు. దాడికి గల కారణాలు తెలియాల్సి ఉన్నదన్నారు. ఈ ఘటనలో ఇద్దరు పోలీసు అధికారులకు గాయాలయ్యాయని పేర్కొన్నారు. దవాఖానలో చికిత్స పొందుతూ ఒక అధికారి మరణించగా, మరొకరి పరిస్థితి విషమంగా ఉన్నది.

ఇవి కూడా చదవండి :

బ్యాటరీ లైఫ్‌ 28 వేల ఏండ్లు!

రోబో వేసిన పెయింటింగ్‌కు రూ.5 కోట్లు

ఉసురు తీసి.. ప్రాణం పోసి..